بہرائچ: مزید پانچ افراد کورونا سے متاثر

بہرائچ چیف میڈیکل آفیسر سریش سنگھ نے بتایا کہ 'بہرائچ کے لکھیا جدید گاؤں کے پانچ افراد میں کورونا وائرس کی تصدیق ہوئی ہے۔ پانچوں مریضوں کو کورنٹائن کر دیا گیا ہے۔

ملک بھر میں کورونا مریضوں کی تعداد مسلسل بڑھ رہی ہے۔ ریاست اترپردیش کے ضلع بہرائچ میں کورونا کے پانچ نئے کیسز ملے ہیں۔ وہیں ضلع شراوستی میں ایک کیس کی تصدیق ہوئی ہے۔

کورونا مثبت افراد ملنے سے ضلع میں خوف کا ماحول پیدا ہو گیا ہے، جہاں عوام کو ابھی تک لگ رہا تھا کہ ضلع میں گزشتہ کچھ اچھی جانچ رپورٹ آنے سے لاک ڈاؤن میں کچھ سہولت ملے گی۔ لیکن آج دونوں ضلع کی رپورٹ میں مثبت مریض کی تصدیق ہونے کے بعد عوام میں مایوسی چھا گئی ہے۔

بہرائچ: پانچ افراد میں کورونا کی تصدیق

بہرائچ چیف میڈیکل آفیسر سریش سنگھ نے بتایا کہ 'بہرائچ کے لکھیا جدید گاؤں کے پانچ افراد میں کورونا وائرس کی تصدیق ہوئی ہے۔ پانچوں مریضوں کو کورنٹائن کر دیا گیا ہے۔ یہ پانچو‌ں مریض ممبئی سے بہرائچ اپنے وطن واپس آئے تھے۔'

اس سے قبل بھی ایک اور مریض اسی گاؤں سے کورونا مثبت پایا گیا تھا جو زیرِ علاج ہے۔

واضح رہے کہ 'ضلع میں مریضوں کی تعداد بڑھ کر 14 ہو گئی ہے۔'