بہرائچ: ایندھن کی قیمتوں میں اضافے کے خلاف کانگریس کا مظاہرہ

بین الاقوامی بازار میں کچے تیل کی قیمت میں کمی کے بعد ملک میں بھی پیٹرول اور ڈیزل کی قیمت میں بھی کمی آنی چاہیے لیکن موجودہ حکومت میں ایسے آثار نظر نہیں آ رہے ہیں۔

اترپردیش کے بہرائچ کے ضلع کلکٹریٹ میں کانگریس پارٹی کے کارکنان نے پیٹرول کی قیمت میں اضافہ کو لے کر مظاہرہ کیا گیا۔

کانگریس پارٹی کے ضلع نائب صدر جے پی مشرا نے بتایا کہ 'موجودہ بی جے پی حکومت میں آئے دن پیٹرول کی قیمتوں میں اضافہ کیا جا رہا ہے اور حیرانی کی بات یہ ہے کہ بین الاقوامی بازار میں خام تیل کی قیمتیں انتہائی کم ہوگئی ہیں پھر بھی قیمتوں میں کمی ہونے کی بجائے اس میں مسلسل اضافہ کیا جا رہا ہے۔

انہوں نے کہا کہ 'حکومت صرف صنعت کاروں کو فائدہ پہنچانے میں مصروف ہے جبکہ عوام کو مہنگائی کی مار جھیلنی پڑ رہی ہےاگر یہی صورتحال رہی تو کانگریس کارکنان سڑکوں پر اتر کر احتجاج کرنے پر مجبور ہوں گے-

اس موقع پر کانگریس کارکنان کے ساتھ ساتھ محفوظ احمد، شیخ ذکریہ (شیخو)، فضل الرحمن، مستقیم سلمانی اور دیپک پاٹھک موجود رہے-