بہرائچ: 17500 لیٹر خوردنی تیل برآمد

ریاست اترپردیش کےضلع بہرائچ میں آج فوڈ افسر ونود شرما نے اپنی ٹیم کے ساتھ ایک تاجر کے کارخانے پر چھاپہ مارا اور 17500 لیٹر خوردنی تیل برآمد کیا۔

اطلاعات کے مطابق بہرائچ کے شہر کوتوالی کے تحت وزیرباغ علاقے کے ایک تاجر کے کارخانے میں خوردنی تیل کا ایک ٹینکر اتر رہا تھا کہ بہرائچ پولیس نے اس کی اطلاع محکمہ فوڈ کے افسر کو دی، جس کے بعد فوڈ افسر ونود شرما پولیس فورس ٹیم کے ساتھ موقع پر پہنچے اور تیل کا اسٹاک پکڑ لیا اور نمونہ لیا جسے لیب میں تفتیش کے لیے بھیجا ہے۔

فوڈ افسر ونود شرما نے کہا کہ تیل بھیجنے والی فیکٹری کو نوٹس بھیج کر کارروائی کی جائے گی، اور جب نمونے کی تفتیشی رپورٹ موصول ہوگی تب ہی کچھ کہا جاسکتا ہے۔ اور اسی رپورٹ کے مطابق کارروائی کی جائے گی -