سبھاش ترپاٹھی نے عالمی وبا کووِڈ- 1 پر فتح پانے کے لیے اپنے حلقۂ اسمبلی کے ترقیاتی فنڈ سے ایک کروڑ روپئے کووِڈ کیئر فنڈ میں دینےکا فیصلہ کیا ہے اور ضلع چیف ترقیاتی افسر کو تحریری تجویز بھیج کر فوراً اس رقم کو جاری کرنے کی درخواست کی ہے۔
واضح رہے کہ لاک ڈاؤن کے اعلان کے بعد سے ہی رکن اسمبلی ترپاٹھی اپنے اسمبلی حلقہ میں مکمل طور پر سرگرم ہیں اور گزشتہ کئی دنوں سے وہ غریب اور ضرورت مند خاندانوں میں پہنچ کر جنگی پیمانے پر راشن کٹ تقسیم کررہے ہیں تاکہ اس پریشانی کے وقت علاقے کا کوئی غریب شخص بھوکا نہ رہے۔
سبھاش ترپاٹھی نے ضلع مجسٹریٹ بہرائچ شمبھو کمار کو اطلاعاتی خط ارسال کرتے ہوئے کہا ہے کہ یہ رقم فوری کووِڈ کیئر فنڈ میں فراہم کی جائے۔
واضح رہے کہ اس قبل بھی پیاگپور کے رکن اسمبلی سبھاش ترپاٹھی دس لاکھ روپئے دینے کا اعلان کیا تھا۔ اب اس میں مزید اضافہ کرتے ہوئے انھوں نے کورونا وائرس کے خلاف لڑی جانے والی اس لڑائی میں اپنے ترقیاتی فنڈ سے ایک کروڑ روپئے دینے کا فیصلہ کیا ہے۔
انھوں نے یہ بھی کہا ہے کہ اس فنڈ سے عوام کی حفاظت کے لیے پرائمری ہیلتھ سینٹرز میں ماسک، سینیٹائزر وغیرہ ضروری سامان اور ادویات کے لیے دینے کے لیے حکومت سے سفارش کی ہے۔
