اسکولی بچوں میں بیگ تقسیم

ریاست اترپردیش کے گوتم بدھ نگر میں بیسک ایجوکیشن محکمہ کی جانب سے اسکولی بچوں میں بیگ تقسیم کئے گئے۔

مرکز کی مودی حکومت ہو یا پھر ریاست اترپردیش کی یوگی حکومت اپنی تشہیر میں کبھی بھی پیچھے نہیں رہتی اور سرکاری افسران اور محکمہ بھی کافی چاک و چوبند رہتا ہے۔

اسکولی بچوں میں بیگ تقسیم

اس تناظر میں آج بیسک ایجوکیشن محکمہ کی جانب سے گوتم بدھ نگرکے سرکاری اسکولوں میں بچوں کو سرکاری اسکیم کے تحت بیگ تقسیم کئے گئے اور یہ بھی بتایا گیا کہ حکومت کے کیا کیا منصوبے ہیں جس کا فائدہ طلبا اٹھاسکتے ہیں۔

بیگ ملنے سے جہاں بچے خوش ہیں وہیں اسکول کے اساتذہ بھی پرجوش نظر آرہے ہیں۔

ٹیچروں کا کہنا ہے کہ غربت کی وجہ سے کئی بچے جھولا میں کتابیں رکھ کر اسکول آتے تھے لیکن اب بیگ ملنے سے کافی خوش ہیں اور اب وہ بھی کتابوں کو بیگ میں رکھ کر اسکول آنے لگے ہیں۔