Rampur by Election 2022: اعظم خان نے پولیس پر جانبداری کا الزام لگایا

رامپور میں آج لوک سبھا ضمنی انتخاب کے لیے ووٹ ڈالے گئے، اس دوران اپنے حق رائے دہی کا استعمال کرنے کے بعد سماجوادی پارٹی کے سینئر رہنماء اور رامپور شہر سے رکن اسمبلی اعظم خاں نے پولیس اور انتظامیہ کے رویہ پر اپنا سخت ردعمل کا اظہار کیا۔ Rampur by Election

اترپردیش کے ضلع رامپور میں آج لوک سبھا ضمنی انتخاب کے لیے ووٹ ڈالے گئے، اس دوران اپنے حق رائے دہی کا استعمال کرنے کے بعد سماجوادی پارٹی کے سینئر رہنماء اور رامپور شہر سے رکن اسمبلی اعظم خاں نے پولیس اور انتظامیہ کے رویہ پر اپنا سخت ردعمل کا اظہار کیا۔ Azam Khan's reaction to Rampur by-election

اعظم خاں نے میڈیا سے مخاطب ہوتے ہوئے کہا کہ جس طرح سے آج پولیس نے ووٹرز کو روکا ہے ایسے میں کون پولنگ بوتھ پر جاکر ووٹ کرنے کا ہمت کرے گا۔ انہوں نے کہا کہ ہمارے ووٹرز کو کئی جگہ جگہ پر روکا گیا اور بری طرح سے مارا پیٹا گیا ہے، ایسے میں کون ووٹ کرنے بوتھ پر آئے گا۔

اعظم خاں نے پولیس پر جانبداری کا الزام لگاتے ہوئے کہا کہ 'پولیس نے خصوصی طور پر ٹوپی والوں کو حق رائے دہی کا استعمال کرنے سے روکا ہے۔ ایک سوال کے جواب میں اعظم خاں نے یہ بھی کہا کہ 'ہم کیسے شکایت کر سکتے ہیں؟ میں اور میرے اہل خانہ پر بکری چوری، بھینس چوری، فرنیچر، کتاب چوری جیسے مقدمات درج ہیں۔ ہم کیسے شکایت کر سکتے ہیں۔

اعظم خان نے کہا کہ 'میں یہاں آپ کے سامنے کھڑا ہوں آپ ہمیں ہندوستانی مان لیں تو یہ ہماری خوش قسمتی ہوگی۔ وہیں جب اعظم خاں سے پوچھا گیا کہ اس معاملے کی شکایت آپ الیکشن کمیشن سے کریں گے؟ تو اعظم خاں نے کہا کہ بھارت کی کون سی آرگنائزیشن ایسی ہے جو آزاد ہے جہاں ہم شکایت کر سکیں؟ وہیں اس دوران انہوں میڈیا کے کچھ اداروں کو بھی اپنی سخت تنقید کا نشانہ بناتے ہوئے کہا کہ آپ بھی پہلے جمہوریت کے چوتھے ستون سمجھے جاتے تھے لیکن اب آپ کیا کررہے ہیں۔

واضح رہے کہ رامپور میں لوک سبھا ضمنی انتخاب کے لئے ووٹنگ صبح سے شام 6 بجے تک صرف 41 فیصد ہی پولنگ ہوسکی۔ اس دوران کئی مقامات پر پولیس کی جانب سے ووٹرز کو پریشان کیا گیا جس کی وجہ اعظم خاں کافی ناراض نظر آئے۔