'عوام 23 اپریل کو فرقہ پرست پارٹیوں کو منہ توڑ جواب دیں'

اتر پردیش کے مرادآباد کی جامع مسجد پارک میں انتخابی ریلی سے خطاب کے دوران اعظم خان نے کانگریس اور بی جے پی سخت نکتہ چینی کی۔

انتخابی جلسے کو خطاب کرتے ہوئے اعظم خاں نے کہا ' ملک بہت نازک دور سے گزر رہا ہے ہمیں ذات برادری میں بانٹنے کے منصوبے بنائے گئے ہیں جن سے ہوشیار رہنے کی ضرورت ہے'۔

کانگریس کا نام لیے بغیر کہا کہ ' کیا مراد آباد کے لوگ وہ سب بھول گئے جو سنہ 1980 میں عید گاہ کے میدان میں ہوا تھا'۔ْ

اعظم خاں نے رامپور کا ذکر کرتے ہوئے کہا ' رامپور میں جواہر لال یونیورسٹی کو نشانہ بنایا جاتا ہے تو کہیں اردو گیٹ پر بلڈوزر چلایا جاتا ہے، ان تمام ظلم و ستم کا حساب لینے کے لیے مردآباد کی عوام 23اپریل کو انہیں سبق سکھائیں'۔

اعظم خان نے میڈیا پر بھی نکتہ چینی کی اور کہا کہ ' میڈیا والوں کی باتوں پر نہ جائیں آج جب ہم ٹی وی دیکھتے ہیں تو صرف نفرت ہی نفرت دکھائی دیتی ہے ان میڈیا والوں پر بھروسہ نہ کریں یہ کیا دکھا رہا ہے'۔