ایودھیا: رام مندر کی تعمیر شروع

مہنت نرتیہ گوپال داس نے رام جنم بھومی احاطے میں داخل ہو کر مندر کی تعمیر کا کام شروع کیا۔

بابری مسجد اور رام جنم بھومی کے دیرینہ تنازع کے نمٹارہ کے بعد شری رام جنم بھومی تیرتھ ٹرسٹ کی تشکیل اور زمین کا مالکانہ حق ٹرسٹ کو ملنے کے بعد مندر تعمیر کرنے کا منصوبہ بنایا جا رہا تھا۔

مذکورہ احاطے میں مندر کی تعمیر شروع ہونے سے پہلے ہی عالمی وبا کورونا وائرس کے سبب لاک ڈاون نافذ کر دیا گیا جس کی وجہ سے مندر کا کام تاخیر سے شروع کیا گیا۔

لاک ڈاون کے تیسرے مرحلے میں تعمیری کاموں میں نرمی دینے کے بعد شری رام جنم بھومی تیرتھ شیتر ٹرسٹ نے مذکورہ مقام پر مندر کی تعمیر کا کام شروع کیا ہے۔

ٹرسٹ کے صدر مہنت نرتیہ گوپال داس کی موجودگی میں مندر کی تعمیر کا کام شروع کیا گیا ہے۔

مہنت نرتیہ گوپال داس نے میڈیا کو بتایا کہ 'آج سے رام مندر کے تعمیری کام کی شروعات کی جاتی ہے اور اب یہ کام بلاناغہ جاری رہے گا۔'