صاف پانی کے تئیں بیداری کے لیے ورکشاپ

ریاست اتر پردیش کے ضلع مئو میں واقع ریجنل انسٹی ٹیوٹ آف رورل ٹریننگ میں تربیتی ورکشاپ کا انعقاد کیا گیا۔ پروگرام میں آشا ورکر کو صاف پانی کے تئیں بیدار کیا گيا۔

صاف پانی کے استعمال پر منعقد ورکشاپ میں آشا اور آنگن باڑی ورکرس کو تربیت دی جا رہی ہے۔ تین روزہ پروگرام کے دوران دیہی علاقوں میں آلودہ پانی سے پیدا ہونے والے امراض پر خاص توجہ مرکوز کی گئی ہے۔

تربیتی ورکشاپ میں پانی کو صاف کرنے کی جدید ٹیکنالوجی کی جانکاری مہیہ کرائی جا رہی ہے۔ ٹریننگ کے بعد آشا اور آنگن باڑی ورکرس گاؤں میں بیداری مہم شروع کریں گی۔ آشا اور آنگن باڑی ورکرس گاؤں کے پسماندہ طبقات کی خواتین کو بیدار کریں گی۔

اس ورکشاپ کا انعقاد نیشنل رورل ڈرنکگ واٹر مشن کے بینر تلے کیا گيا۔ پروگرام میں ٹرینگ دے رہے ایک افسر نے بتایا کہ گاؤں میں لوگوں کے صاف پانی کے تئیں بیداری نہ ہونے کی وجہ سے وہ جانے انجانے میں گندا پانی پی جاتے ہیں، جس سے وہ بیمار ہو جاتے ہیں یا ان کو ہڈیوں کا روگ ہو جاتا ہے۔

انہوں بتایا کہ ایسے میں گاؤں اولوں کو صاف پانی کے تئیں بیداری ان کو کئی بیماری سے محفوظ رکھے گی۔