اترپردیس نوئیڈا کے سیکٹر 39 میں واقع کوویڈ ہسپتال کے احاطے سے شروع ہونے والی ریلی، اسی سیکٹر میں نوئیڈا اتھارٹی کے دفتر کا دورہ کرنے کے بعد سیکٹر 39 میں ہی ختم ہو گئی۔ اس موقع پر ایڈیشنل چیف میڈیکل آفیسر ڈاکٹر للت، ڈاکٹر سنیل دوہرے، ضلع ملیریا آفیسر راجیش شرما، ضلع ملیریا محکمہ کے دیگر افسران و ملازمین موجود تھے۔ ڈھول کے ساتھ نکالی گئی ریلی میں محکمہ صحت اور نوئیڈا ڈیولپمنٹ اتھارٹی کے ملازمین کے ہاتھوں میں متعدی بیماریوں سے متعلق بیداری کے نعرے والے بینر اور پوسٹر تھے۔
Awareness Rally Launch for Controlling Epidemic Diseases مزید پڑھیں:
Raid On Spa Center In Noida: مساج پارلر کی آڑ میں جسم فروشی کا کاروبار بے نقاب
ریلی کے آغاز کے موقع پر ڈائرکٹر کمیونیکیبل ڈیزیز ڈاکٹر اے کے سنگھ نے کہا کہ کمیونیکیبل ڈیزیز کنٹرول مہم کا بنیادی مقصد عام لوگوں کو متعدی بیماریوں اور صفائی ستھرائی سے آگاہ کرنا ہے۔ جب سب مل کر کام کریں گے تو متعدی بیماریوں پر قابو پایا جا سکتا ہے۔ انہوں نے کہا کہ ہماری کوشش ہے کہ عام لوگوں تک یہ پیغام پہنچے کہ صفائی ستھرائی رکھ کر ہم مچھروں کی افزائش کو روک سکتے ہیں۔ انہوں نے کہا اگر کہیں بھی مچھروں کی افزائش ہوتی نظر آئے تو لوگ فوری طور پر ضلع ملیریا کے محکمہ کو اطلاع دیں، محکمہ فوری کارروائی کرے گا۔ شہر میں صفائی کی ذمہ داری گاؤں کی پنچایت اور میونسپل کارپوریشن کو سونپی گئی ہے۔ انہوں نے بتایا کہ اس بار محکمہ صحت کے ساتھ 11 دیگر محکمے وبائی امراض پر قابو پانے کی مہم میں فعال کردار ادا کریں گے۔ Launch of Awareness Rally for Controlling Epidemic Diseases
