نوئیڈا : مفرور انعامی بدمعاش افتخار گرفتار

ریاست اترپردیش کے ضلع گوتم بدھ نگر کے صنعتی علاقہ نوئیڈا میں مفرور انعامی بدمعاش افتخار کو گرفتار کر لیا گیا ہے۔

یو پی ایس ٹی ایف نوئیڈا نے 2012 سے ضلع بارہ بنکی سے پولیس کی حراست سے مفرور 50ہزار کے انعامی بدمعاش افتخار عرف دھوم کو گرفتار کر لیا ہے۔

گرفتار ملزم پر قتل،لوٹ اور ڈکیتی کے 6 سے زائد مقدمات درج ہیں۔

افتخار کو پولیس گذشتہ 8 برس تلاش کر رہی تھی۔

دیر رات یوپی ایس ٹی ایف کے نوئیڈا یونٹ کو اطلاع ملی تھی کہ افتخار عرف دھوم نوئیڈا کے سورج پور اسٹیشن کے علاقے میں روپوش ہے۔

ایس ٹی ایف کی ٹیم موقع پر پہنچی اور اسے گرفتار کر لیا۔

افتخار قادر گنج روڈ،تھانہ دنڈوارا،کاشی رام نگر کا رہنے والا ہے۔

ملزم پر ہردوئی ، گونڈا ، بہرائچ ،بارابنکی سمیت متعدد اضلاع سے ڈکیتی ، قتل اور لوٹ کے مقدمات درج ہیں۔