Attempt to Trample Mining Officer ہمیر پور میں کان کنی افسر کو روندنے نے کوشش

ہمیر پور میں مورنگ کے غیر قانونی کان کنی کی جانچ کر رہے کان کنی افسر کو ٹرک سے روندے کی کوشش کئے جانے کا معاملہ سامنے آیا ہے۔ ذرائع نے بتایا کہ گذشتہ دیر رات چکاسی علاقے میں مورنگ لے جانے کی جانچ کر رہی کان کنی ٹیم میں شامل کان کنی افسر پر اوور لوڈ ٹرک چڑھانے کی کوشش کی گئی۔

ہمیر پور: اترپردیش کے ضلع ہمیر پور میں مورنگ کے غیر قانونی کان کنی کی جانچ کر رہے کان کنی افسر کو ٹرک سے روندے کی کوشش کئے جانے کا معاملہ سامنے آیا ہے۔ اس سلسلے میں پولیس نے پیر کو پٹہ ہولڈر اور ٹرک ڈرائیور سمیت چار افراد کے خلاف سنگین دفعات میں مقدمہ درج کیا ہے۔ ذرائع نے بتایا کہ گذشتہ دیر رات چکاسی علاقے میں مورنگ لے جانے کی جانچ کر رہی کان کنی ٹیم میں شامل کان کنی افسر پر اوور لوڈ ٹرک چڑھانے کی کوشش کی گئی۔ حالانکہ بعد میں جالون پولیس نے ٹرک کو پکڑ کر تھانے میں بند کردیا۔

پولیس کے مطابق تھانہ چکاسی علاقے میں ریہوٹا گاؤں کے نزدیک پولیس و انتظامیہ کی مشترکہ ٹیم کے ذریعہ غیر قانونی کان کنی اور ٹرانسپورٹ روکنے کے چیکنگ کی جارہی تھی۔ چیکنگ کے دوران ٹیم نے ایک اوور لوڈ ٹرک کو روکنے کی کوشش کی۔ تبھی مورنگ لدے اوور لوڈ ٹرک کے ڈرائیور نے کان کنی افسر سبھاش سنگھ پر ٹرک چڑھانے کی کوشش کی۔ اس پر جان بچانے کی کوشش میں جیسے ہی افسر و پولیس نے راستہ خالی کیا تبھی ڈرائیور ٹیم کے ذریعہ بیرئیر لگانے کے باوجود اسے توڑتے ہوئے بندیل کھنڈ ایکسپریس وے پر نکل گیا۔

ادھر اس کا تعاقب کر رہی پولیس و کان کنی ٹیم نے جالون پولیس کو مطلع کیا۔ جالون پولیس نے مستعدی کا مظاہرہ کرتے ہوئے ٹرک کو پکڑ لیا۔ ٹرک ڈرائیور ٹرک چھوڑ کر فرار ہوگیا۔ اس معاملے میں کان کنی افسر سبھا ش سنگھ نے ٹرک ڈرائیور اجئے و نریندر باشندہ اڑیسر ضلع فیروزآباد و ٹرک مالک اویناش کمار، پٹہ ہولڈر سچن باشندہ دہلی کے خلاف سنگین دفعات میں رپورٹ درج کرایا ہے۔

یواین آئی