Attempt to Spoil the Law and Order: جانور کی باقیات پھینک کر ماحول خراب کرنے کی کوشش

غازی آباد کے ماحول کو مسلسل خراب کرنے کی کوشش کی جا رہی ہے، نیا معاملہ ضلع کے راج نگر ایکسٹینشن کا ہے جہاں نامعلوم شر پسند نے گوشت کے ٹکڑوں کو کٹے میں بھر کر پھینک کر ماحول کو خراب کرنے کی کوشش کی۔ Attempt to Spoil the Law and Order

غازی آباد: اتر پردیش غازی آباد کے ماحول کو مذموم سازش کے تحت مسلسل خراب کرنے کی کوشش کی جا رہی ہے۔ نیا معاملہ ضلع کے راج نگر ایکسٹینشن کا ہے جہاں نامعلوم شر پسند نے گوشت کے ٹکڑوں کو کٹے میں بھر کر پھینک کر ماحول کو خراب کرنے کی کوشش کی گئی Attempt to Spoil the Law and Order۔ اس سلسلے میں اگروال ہائٹس کے سامنے جھاڑیوں میں ایک گائے کی باقیات پڑی ہوئی پائی گئیں۔ جس پر ہندو تنظیموں کے کارکنوں نے موقع پر پہنچ کر ہنگامہ کیا اور ملزمان کی گرفتاری کا مطالبہ کیا۔

وہیں مقامی لوگوں کا کہنا ہے کہ' لوگوں کو یہ سمجھنا ہوگا کہ جہاں ایک مرغے کے گوشت کی دکانوں کو چلنے سے روکا جارہا ہو وہاں گائے کا ذبیحہ کیسے ممکن ہے ایسا ایک سازش کے تحت ہورہا ہے۔'

وشو ہندو پریشد میں گائے کے تحفظ کے محکمے کے ضلع وزیر راجیش جھا نے بتایا کہ جب وہ موقع پر پہنچے تو وہاں جھاڑیوں میں کھالیں اور کچھ باقیات پڑی ملی۔ ایسا لگتا تھا جیسے ایک دو دن میں اس جگہ پر گائے ذبح کر دی گئی ہو۔ اطلاع پر تھانہ نندگرام کی پولیس پہنچ گئی۔ پولیس نے باقیات کو قبضے میں لے کر سپرد خاک کر دیا۔ ابھی دو دن پہلے ہی گاؤ رکھشا دل کے کارکنوں نے وجئے نگر پولیس اسٹیشن میں ہنگامہ کیا تھا۔ اس دوران دو کارکنوں نے خود پر تیل ڈال کر خودکشی کی کوشش بھی کی۔ انہوں نے یہ بھی کہاکہ گائے ذبح کرنے کے واقعات میں مسلسل اضافہ ہو رہا ہے، لیکن پولیس اطلاع دینے کے باوجود ملزمان کو پکڑنے میں ناکام ہے۔