پریاگ راج: مرحوم عتیق احمد کے وکیل خان صولت حنیف کو عدالت نے امیش پال اغواہ معاملہ میں عمر قید کی سزا سنائی۔ خان صولت حنیف کو کمرہ عدالت سے ہی جیل بھیج دیا گیا۔ پولیس نے وکیل پر امیش پال اور دو کانسٹیبل کے قتل کا بھی الزام لگایا ہے۔ پولیس کو امید ہے کہ وکیل قتل کیس سے جڑے کئی راز کھول سکتا ہے۔ اس کے لیے پولیس وکیل کو ریمانڈ پر لے کر پوچھ گچھ کرنا چاہتی ہے۔ آج ریمانڈ کی درخواست کی سماعت ضلع عدالت کے سی جے ایم کورٹ میں ہوگی۔
ایڈووکیٹ خان صولت حنیف عتیق کے وکیل ہونے کے علاوہ انہیں ان کا قریبی بتایا جاتا تھا۔ امیش پال اور دو کانسٹیبل کو مارنے کی سازش میں خان صولت حنیف کی ملی بھگت کا مقدمہ بھی اس کے خلاف پریاگ راج کے دھومان گنج پولیس اسٹیشن میں درج کیا گیا تھا۔ پولیس وکیل کو ریمانڈ پر لے کر پوچھ گچھ کرنا چاہتی ہے۔ خان صولت حنیف کو جمعرات کی سہ پہر عدالت میں پیش کیا جائے گا۔ دراصل عدالت میں پولیس کی تحویل میں ریمانڈ کے لیے درخواست دائر کی گئی ہے۔ اس پر آج ضلع عدالت کی سی جے ایم کورٹ میں سماعت ہونے والی ہے۔ ریمانڈ کے دوران پولیس وکیل سے امیش پال قتل کیس سے متعلق کئی اہم معلومات حاصل کرنے کی کوشش کرے گی۔ پولیس کو امید ہے کہ وکیل سے کئی اہم معلومات حاصل کی جا سکتی ہیں۔