اترپردیش کے کابینی وزیر برائے اقلیتی بہبود اوقاف، حج نند گوپال گپتا 'نندی' نے جانکاری دیتے ہوئے بتایا کہ یو پی اقلیتی کمیشن میں چیئرمین اشرف سیفی کو بنایا گیا ہے۔
معلوم رہے کہ اترپردیش اقلیتی کمیشن میں لمبے عرصے سے چیئرمین کا عہدہ خالی تھا، جس کی وجہ سے کمیشن کے بڑے کاموں پر اثر پڑ رہا تھا۔
اترپردیش اقلیتی کمیشن کے نئے چیئرمین اور اراکین کی لسٹ ای ٹی وی بھارت نے اس ضمن میں لگاتار خبریں نشر کیں اور کابینی وزیر برائے اقلیتی بہبود اوقاف، حج نند گوپال گپتا 'نندی' سے بھی بات کی تھی۔ انہوں نے کہا تھا کہ جلد ہی کمیشن میں چیئرمین اور دوسرے ممبران کی فہرست جاری کی جائے گی۔
اتر پردیش اقلیتی کمیشن میں آگرہ کے اشرف سیفی کو چیئرمین بنایا گیا جبکہ وارانسی کے حیدر عباس، میرٹھ کے سریش جین، شاہ جہاں پور کے نویندو سنگھ، علی گڑھ کے سمان افروز خان، گورکھپور کے بخشش احمد وارثی، لکھنؤ کی رومانہ صدیقی اور اور لکھنو کی انیتا جین کو ممبر پہلے ہو نامزد کیا گیا ہے۔
مزید پڑھیں:
قابل ذکر ہے کہ کمیشن میں چیئرمین نہ ہونے کی وجہ سے کمیشن کے بڑے کاموں پر اثر پڑتا تھا، وہیں کمیشن کے ملازمین جو ریٹائر ہو گئے ہیں، ان کو پینشن نہیں ملتی۔ اس کے علاوہ چیئرمین نہ ہونے کی وجہ سے ممبران کوئی بڑا فیصلہ نہیں لے سکتے تھے۔
