جونپور: اسد الدین اویسی کا پُرجوش استقبال

آل انڈیا مجلس اتحاد المسلین(اے آئی ایم آئی ایم) کے قومی صدر اور رکن پارلیمان اسدالدین اویسی کا جونپور میں ایم آئی ایم کارکنان نے پُرجوش استقبال کیا۔

ریاست اتر پردیش کے ضلع جونپور میں ایم آئی ایم صدر اسد الدین اویسی قطب پور شاہراہ پر ضلعی صدر عمران بنٹی نے گلدستہ دے خیر مقدم کیا۔

واضح رہے کہ ایم آئی ایم چیف اسد الدین اویسی بنارس میں سابق کابینی وزیر اوم پرکاش راجبھر کے چچا کے انتقال کے بعد ان کے اہل خانہ کی مزاج پُرسی کرنے اور ایم آئی ایم کے ریاستی صدر شوکت علی سے خصوصی ملاقات کے لیے تشریف لائے تھے۔

شہر کے قطب پور شاہراہ پر ایم آئی ایم کارکنان نے ان کا استقبال کیا۔ اس کے بعد تھانہ کھیتا سرائے حلقہ کے گورینی بازار میں بھی پارٹی کارکنان کے ذریعہ استقبال کیا گیا۔

اسد الدین اویسی کی آمد نے جہاں ایم آئی ایم کارکنان میں جوش بھرنے کا کام کیا ہے تو وہیں سیاسی گلیاروں میں ان کی آمد نے اضطرابی کیفیت پیدا کر دی ہے۔