14th Global Film Festival Noida: نوئیڈا میں گلوبل فلم فیسٹول میں فنکاروں نے رنگ بکھیرا

نوئیڈا فلم سٹی کے ماروا اسٹوڈیو Marwah Studio of Noida Film City میں 14ویں گلوبل فلم فیسٹیول کے دوسرے دن The Second Day Of The 14th Global Film Festival فنکاروں نے چار چاند لگا دیا۔ اس تقریب میں بھجن سمراٹ انوپ جلوٹا نے بھی شرکت کی۔ انہوں نے جیسے ہی بھجن 'ایسی لگی لگن میرا ہو گئی مگن' گایا پورا ہال تالیوں سے گونج اٹھا۔

اتر پردیش کے نوئیڈا فلم سٹی کے ماروا اسٹوڈیو میں 14ویں گلوبل فلم فیسٹیول 14th Global Film Festival Noidaکے دوسرے دن فلمی فنکاروں، موسیقاروں کے ساتھ ساتھ گلوکاروں کا سنگم دیکھنے کو ملا۔

اس موقع پر بھجن سمراٹ انوپ جلوٹا نے بھی تقریب میں شرکت کی اور انہوں نے جیسے ہی کہا، 'ایسی لگی لگن میرا ہو گئی مگن' بھجن گایا تو پورا ہال تالیوں سے گونج اٹھا اور طلبہ خوشی سے جھوم اٹھے اور پورا ماحول سرشار ہوگیا۔ لیکن جیسے ہی ارون بخشی نے پنجابی پاپ گایا تو طلبہ بھانگڑا کرنے پر مجبور ہوگئے۔

اس تقریب میں 'ٹوکن دی ٹریژر' فلم کا ٹیزر دکھایا گیا جس میں اداکار روی کشن کی بیٹی ریوا کشن اور نئے اداکار ابھیشیک کے ساتھ موسیقار دلیپ سین، ہرش گپتا، ہدایت کار روی کلا گپتا، آکانشا بھلا اور جمہوریہ چلی کے سفیر جوآن اینجیلو نے شرکت کی۔

چلی کے سفیر نے کہا کہ میں یہاں آ کر بہت پرجوش ہوں، یہاں کے طلبہ اور مہمان کی مثبتیت نے مجھے بہت متاثر کیا ہے۔

اس موقع پر سندیپ ماروا نے کہا کہ مجھے دو سال بعد آپ سب سے ملنے کا موقع مل رہا ہے۔ کورونا نے ہم سب کو ایک دوسرے سے دور کر دیا تھا، 'میں چاہتا ہوں کہ میرے ادارے کے تمام طلبہ آنے والے مہمانوں سے زندگی گزارنے کا فن سیکھیں۔

انوپ جلوٹا نے طلبہ سے کہا کہ خوب مزہ کریں،خوب محنت کریں، بہت کچھ سیکھیں اور اپنے اہداف طے کریں۔