علی گڑھ مسلم یونیورسٹی (اے ایم یو) کے رجسٹرار دفتر کی جانب سے حال ہی میں مشتہر کی گئی مختلف اسامیوں کے لیے درخواست کے ساتھ مطلوبہ فیس جمع کرنے کے لیے یونیورسٹی نے متبادل بندوبست کیا ہے۔
یونیورسٹی کے فائنانس افسر پروفیسر ایس ایم جاوید اختر نے ایک سرکلر میں بتایا ہے کہ مختلف اسامیوں کے لیے فارم بھرنے کے خواہشمند افراد نیٹ بینکنگ یا کیو آر کوڈ سے بھی مطلوبہ فیس جمع کر سکتے ہیں۔
یہ بندوبست کووڈ-19 سے صحت عامہ کو لاحق خطرات کے پیش نظر کیا گیا ہے۔خواہشمند امیدوار فارم پر کر کے مطلوبہ فیس علی گڑھ مسلم یونیورسٹی کے بینک اکاؤنٹ (آئی سی آئی سی آئی، بینک، گاندھی پارک برانچ علیگڑھ، اکاؤنٹ نمبر 032701003333، آئی ایف سی کوڈ ICIC0000327, سوئفٹ کوڈ ICICINBBCTS L, اکاؤنٹ کا نام علی گڑھ مسلم یونیورسٹی رکروٹمنٹ فی) میں آن لائن جمع کر سکتے ہیں۔
امیدواروں کے لیے لازمی ہے کہ وہ آن لائن فیس جمع کرنے کی معلومات اس سے متعلق پروفارما میں بھر کر درخواست فارم کے ساتھ منسلک کریں۔ ہر فارم کے لیے علاحدہ فیس جمع کرنا ضروری ہے۔
