Anniversary of Maulana Sana Abbas: بارہ بنکی میں مولانا ثنا عباس کی برسی پر سبیل کا اہتمام

بارہ بنکی کے مشہور عالم دین مولانا ثنا عباس کے یوم وفات کے موقع پر سبیل کا اہتمام کیا گیا، جس میں بلا تفریق مذہب لوگوں کو شربت اور پانی پلایا گیا Maulana Sana Abbas Barabanki۔

بارہ بنکی: ریاست اتر پردیش کے بارہ بنکی ضلع کی مشہور و معروف علمی، ادبی اور دینی شخصیت مولانا ثنا عباس کی برسی کے موقع پر جمعہ کو مولانا سنا عباس ٹرسٹ کی جانب سے سبیل کا اہتمام کیا گیا، جس میں بلا تفریق مذہب و ملت کے سبھی راہگیر کو شربت اور ٹھنڈا پانی پلایا گیا Celebrate Anniversary of Maulana Sana Abbas in Barabanki

۔واضح رہے کہ مولانا ثنا عباس دینی کاموں کے ساتھ سماجی کاموں میں بھی مسلسل سرگرم رہتے تھے۔ بارہ بنکی شہر کی عسکری حال مسجد کے امام مولانا محمد رضا کے مطابق مولانا سنا عباس بہت ہی کم عمر میں دنیا سے رحلت فرما گئے لیکن اس کے باوجود انہوں نے دینی اور سماجی حلقے میں نمایاں کار انجام دیے۔ انہوں نے کہا کہ اصل اسلام صرف عبادت کو انجام دینا نہیں ہے بلکہ اصل اسلام خدمت خلق ہے۔

لوگوں کے درمیان شربت کی تقسیم۔۔۔

ثنا عباس نے لوگوں کے دلوں میں بسی اس غلط فہمی کو دور کرنے کی کوشش کی تھی، ان کی برسی کے موقع پر منعقد کی گئی سبیل کی انہوں نے ستائش کی اور کہا کہ آج کے ماحول میں جب مذہبی فرقہ پرستی زوروں پر ہے، ایسے میں لوگوں کو پانی اور شربت پلا کر محبت کا پیغام دینا بہت اچھی پہل ہے۔ اس قسم کے پروگرام کر کے مرحومین کو ایصال ثواب پہچانا بہت ہی نیک کام ہے۔

وہیں اس موقع پر موتھری مسجد کے امام جمعہ ابن عباس زیدپوری نے کہا کہ ہمارے ملک کی گنگا جمنی تہذیب میں اس وقت جو زہر گھولنے کی کوشش کی جا رہی ہے، اس کے لیے سبیل کا اہتمام کر کے محبت کا پیغام دینا قابل ستائش عمل ہے اور ہمیں امید ہے کہ اس قسم کے کام ہوتے رہیں گے۔