نوئیڈا: جم مالکان اور ٹرینر سڑکوں پر

کورونا وائرس کے پھیلاو کو روکنے کے لیے جم اور باڈی بلڈنگ کلب بند کر دیئے گئے ہیں۔

جم اور باڈی بلڈنگ کلب بند ہونے کے باعث بے روزگاری کے ساتھ ساتھ نوجوانوں کی صحت مند سرگرمیاں بھی سلب کر لی گئی۔ ان لاک ون میں بہت سے کاروبار اور صنعتوں کو رعایت دی گئی اور بعض کو شرائط کی بنیاد پر کھولنے کی اجازت دی گئی لیکن جم اور باڈی بلڈنگ کلب کو کوئی رعایت نہیں دی گئی جس کے باعث نوئیڈا کے مختلف جم مالکان ،ٹرینر اپنے مطالبات کو لے کر سڑکوں پر اتر آئے۔

ان کا کہنا ہے کہ ان لاک 1.0 نے ہمارے شعبہ کو مکمل طور پر نظر انداز کر دیا گیا ہے۔ کیا ہم لوگ بھارتی شہری نہیں ہیں۔

ہمارے شعبہ کو مکمل طور پر نظر انداز کردیا گیا ہے۔انہوں نے کہا کہ جم مالکان بھی سفید پوش میں سے ہیں۔ان کے بھی معاشی حالات بڑے خراب ہو چکے ہیں۔اکثر جم کرائے کی عمارت میں قائم ہے۔آمدنی نہ ہونے سے کرایہ بھی نہیں دیا گیا ہے۔ہم لوگ دیوالیہ ہونے کی دہلیز پر پہنچ چکے ہیں۔

لہذا ، ہم حکومت سے درخواست کرتے ہیں کہ ہمیں اپنی روزی روٹی دوبارہ شروع کرنے اور جم کو دوبارہ کھولنے کی اجازت دیں۔ ہم آپ کو یقین دلاتے ہیں کہ اس وبا سے نمٹنے اور پابندی کے لیے انتہائی حفاظتی اور حفظان صحت کے اقدامات پر عمل کریں گے۔