کورونا وائرس کے برھتے اثرات اور معاملات کو دیکھتے ہوئے متعدد ریاستوں میں 31 مارچ تک لاک ڈاؤن کا اعلان کیا گیا ہے۔ اتراکھنڈ میں 31 مارچ تک لاک ڈاؤن کا اعلان کیا گیا ہے جبکہ اترپردیش کے سبھی اضلاع میں 27 مارچ تک کا اعلان ہے۔
اس اعلان کے باوجود بھی عوام گھر سے نکل رہے ہیں اور انتظامیہ کو سختی برتنی پڑ رہی ہے تاکہ کورونا وائرس کو پھیلنے سے روکا جا سکے۔
ای ٹی وی بھارت کے نمائندہ نے اتراکھنڈ کے صحافی عارف خان سے بات کی اور انہوں نے بتایا کہ ریاست اتراکھنڈ میں 31 مارچ تک پوری طرح سے جنتا کرفیو لگایا گیا ہے۔ کورونا سے نجات پانے کے لیے حکومت ہر ممکن کوشش کر رہی ہے اور عوام سے بار بار اپیل کر رہی ہے کہ اپنے ہاتھوں کو دھوئیں اور جب بہت ہی زیادہ ضرورت ہو تبھی گھر سے باہر نکلیں۔