ریاست کرناٹک کے ضلع یادگیر کے شاہ پور حلقے کے رکن اسمبلی شرن بسپا گوڈا دشنا پور نے ایک بیان جاری کرتے ہوئے عوام سے اپیل کی ہے کہ وہ اس بارش سے نہ گھبرائیں۔
انہوں نے کہا کہ عوام صبر و تحمل سے کام لیں، اور حکومتی اہلکاروں سے جو مدد بن پڑے گی وہ کرنے کی کوشش کریں گے۔
انہوں نے مزید کہا کہ 'اس تیزوتند مسلسل ہورہی بارش کی وجہ سے شہر میں آبی ذخیرہ ہوگیا ہے، لہذا آپ سب سے بالخصوص نوجوانوں سے یہ اپیل ہے کہ براہ کرم ندی نالوں کے نزدیک نہ جائیں۔
واضح رہے کہ ضلع یادگیر اور شاہ پور میں گزشتہ دنوں مطلع ابر آلود ہو کر کڑک اور چمک کے ساتھ کئی مرتبہ زبردست بارش ہوئی جس کی وجہ سے شہر میں موجودہ ذخائر آب بھر گئے اور تالاب مکمل شباب پر ہیں۔
خیال رہے کہ بارش کے سبب دیگر ذخیرہ کنٹہ، باؤلی بھر گئی ہے، عوامی نمائندوں اور سرکاری اہلکاروں نے عوام کو ذخیرہ آب کے نزدیک نہ جانے کی ہدایت دی ہے، تاکہ کوئی انہونی صورتحال نہ پیدا ہوسکے۔
