بارہ بنکی: لاک ڈاؤن کی کامیابی کے لئے مذہبی علماء سے اپیل

ریاست اتر پردیش میں 25 مارچ سے 27 مارچ تک لاک ڈاؤن کا اعلان کیا گیا ہے۔ لاک ڈاؤن کو پابندی سے نافذ کرانے کے لئے انتظامیہ مکمل طور سے مستعد ہو گیا ہے۔ انتظامیہ کو امید ہے کہ عوام جنتا کرفیو کی طرح اسے بھی کامیاب بنانے میں پوری مدد کرے گی۔

اس کے باوجود انتظامیہ نے مذہبی علماء سے گزارش کی ہے کہ وہ اسے کامیاب بنانے کے لئے لوگوں سے اپیل کریں۔ وہیں انتظامیہ نے یقین دہانی کرائی ہے کہ لاک ڈاؤن کے دوران ضروری اشیاء کی کمی نہیں ہونے دی جائے گی۔

وزیراعلیٰ یوگی آدتیہ ناتھ کے اعلان کے انتظامیہ اسے مکمل طور پر نافذ کرانے کے لئے تمام افسران کے ساتھ خصوصی میٹنگ کی۔ اس کے بعد انہوں نے اپیل جاری کی۔

ایس پی اروند چترویدی نے تمام عوام سے اپیل کی کہ وہ اس دوران اپنی عبادت مذہبی عبادت گاہوں کے بجائے گھروں میں کریں۔

وہیں انہوں نے مذہبی علماء سے خصوصی اپیل کی کہ وہ اپنے واٹس اپ گروپ سے لوگوں کو بیدار کریں کہ لوگ گھروں سے نہ نکلیں۔

وہیں ضلع مجسٹریٹ آدرش سنگھ نے امید ظاہر کی ہے کہ ضلع کے عوام جنتا کرفیو کی طرح اسے بھی مکمل طور پر کامیاب بنانے میں مدد کرے گی۔

انہوں خصوصی طور پر یقین دہانی کرائی ہے کہ اس دوران ضروری اشیاء کی سپلائی متاثر نہیں ہوگی اور اس دوران سب کچھ دستیاب رہے گا۔