انہوں نے کہا کہ نوجوان نسل کو معاشرے کا مستقبل سمجھا جاتا ہے اور اگر یہ مستقبل نشے کی لت میں مبتلا ہوجائے تو ممکن نہیں کہ معاشرہ ترقی کرے اور ملک و قوم کے لیے کوئی کارنامہ سرانجام دیں، لہذا تمام تعلیمی اداروں میں بچوں کو اس لت سے بچانے کے مقصد کے تحت متعلقہ محکمہ کے افسران کی جانب سے بڑے پیمانے پر بیداری مہم شروع کی جائے۔
منشیات مخالف مہم چلانے کا حکم - اتر پردیش
ریاست اتر پردیش کے گوتم بدھ نگرکے ضلع مجسٹریٹ بی این سنگھ نے کہا کہ اسکولز میں زیر تعلیم بچے ملک کا مستقبل ہیں اسی لیے انہیں نشہ کی لت سے پاک رکھنا انتہائی ضروری ہے۔
منشیات مخلاف مہم چلانے کا حکم
ضلع مجسٹریٹ نے کیمپ آفس نوئیڈا کے آڈیٹوریم میں ضلع سطحی کمیٹی کے اجلاس میں خطاب کرتے ہوئے متعلقہ محکمہ کے افسران کو ہدایات دیں۔
انہوں نے کہا کہ اسکول، کالج اور یونیورسٹی میں پڑھنے والے طلبا و طالبات کو نشہ جیسی بری لت سے بچانے کے لیے بیداری مہم کی سخت ضرورت ہے لہذا تمام متعلقہ افسران کے ذریعے ضلع کے تعلیمی اداروں میں وسیع پیمانے پر بیداری مہم چلائی جائے تا کہ اسکولی بچوں کو لت سے بچایا جا سکے۔
انہوں نے مزید کہا کہ اگر ہم غور کریں تو ملک میں منشیات کا استعمال کافی تیزی کے ساتھ بڑھ رہا ہے اور نا صرف نوجوان بلکہ لڑکیاں اور ادھیڑ عمر کے افراد کی بڑی تعداد نشے کی لت میں مبتلا ہے۔