ہر دور میں اور ہر زمانے میں تعلیم کی اہمیت تسلیم کی جاتی رہی ہے اور موجودہ وقت میں تو ہر بچے کو تعلیم دینا بے حد ضروری ہے۔ اسی مقصد کے پیش نظر ریاست اتر پردیش کے مرادآباد بھوجپور دیہات علاقے میں ریگل ورلڈ پبلک تعلیمی ادارہ قائم کیا تھا۔ اس ادارے کا مقصد بچوں کو انگلش میڈیم کی تعلیم دینا ہے۔ علاقہ میں متعدد ایسے تعلیمی ادارے ہیں جن کی فیس بہت مہنگی ہے اور غریب بچے مہنگی فیس ادا کرنے سے قاصر ہیں۔ آر ٹی ای منصوبے کے تحت اس ادارے میں بچوں کو مفت تعلیم مہیا کرائی جائیں گی۔
ریگل ورلڈ اسکول میں سالانہ جلسہ منعقد کیا گیا اور اس سالانہ جلسے میں بچوں نے اپنی تعلیمی اور فنی صلاحیت کا شاندار مظاہرہ کیا۔ ادارہ کی سربراہ جہاں آرا نے میڈیا سے بات چیت میں کہا کہ اس دیہی علاقے میں بچوں کو جدید تعلیم کی بے حد ضرورت تھی۔ اسی مقصد کے پیش نظر یہاں پر یہ تعلیمی ادارہ قائم کیا گیا ہے اس پروگرام کا مقصد لوگوں میں تعلیم کے لئے بیداری پیدا کرنا تھا۔Annual program Held at Regal World Educational Institution
پروگرام کے آخر میں بچوں کو انعام و اکرام سے نوازا گیا۔
تعلیمی ادارے کے ذمہ داران نے بتایا کہ تعلیم کو فروغ دینے کے لیے جگہ جگہ تعلیمی ادارے قائم کرنا بے حد ضروری ہے۔ اس موقع پر مہمان خصوصی کے طور پر مرادآباد کے سماج وادی پارٹی سے رکن ممبر آف پارلیمنٹ نے شرکت کی۔