ریاست اترپردیش کے ضلع مئو میں زیرِ تعمیر اندرا دوہری گھاٹ براڈ گیج ریل روٹ کی کل لمبائی میں آٹھ کلومیٹر کی کمی، دوہری گھاٹ ریلوے اسٹیشن کو ختم کرنے، گھوسی اور کوپاگنج اسٹیشن کو ہالٹ میں تبدیل کرنے کے خلاف مختلف تنظیموں اور سیاسی جماعتوں کے ذمہ دار ایک پلیٹ فارم پر آگئے ہیں۔
اس معاملہ میں محکمہ ریل کو کئی بار میمورنڈم دینے کے بعد بھی کوئی مثبت پیش رفت نہ ہونے پر یہ میٹنگ منعقد کی گئی۔ اس پروگرام میں بنکر تنظیموں کے علاوہ ویاپار منڈل اور سیاسی جماعتوں کے ذمہ داروں نے متفقہ طور پر احتجاج شروع کرنے کا اعلان کر دیا ہے۔
اس ضمن میں تشکیل شدہ سنگھرش سمیتی کے بینر تلے یہ فیصلہ کیا گیا۔ سنگھرش سمیتی کے صدر نے 10 روز کے اندر کوئی حتمی فیصلہ نہ لیے جانے پر محکمہ ریل کے خلاف مہم شروع کرنے کا انتباہ کیا ہے۔