پریاگ راج: قدیم عمارت منہدم، پانچ زخمی

عمارت کے منہدم ہونے سے پانچ افراد ملبے میں دب گئے تھے جن میں تین لوگ زخمی ہیں۔ مشقت کے ملبے میں دبے لوگوں کو باہر نکالا گیا۔

ریاست اترپردیش کے ضلع پریاگ راج کے شاہ گنج تھانہ کے حمام گلی میں موسلادھار بارش کے سبب ایک قدیم عمارت منہدم ہوگئی، اس حادثے میں بچی سمیت پانچ لوگ زخمی ہیں، ملبے سے نکالی گئی بچی کی حالت نازک بتائی جا رہی ہے۔

قدیم عمارت منہدم

گزشتہ رات موسلادھار بارش ہورہی تھی اور یہ قدیم عمارت اس بارش میں قائم نہیں رہ سکی، مسلسل اور تیز بارش کے سبب یہ عمارت منہدم ہوگئی، عمارت کے منہدم ہوتے ہی علاقے میں افرا تفری کا ماحول پیدا ہوگیا، موقع پر نگر نگم و فائر بریگیڈ کی ٹیم پہنچ گئی اور راحت و رسانی کا کام شروع کر دیا۔

عمارت کے منہدم ہونے سے تین لوگ زخمی ہوگئے جبکہ تین لوگ ملبے میں دب گئے، رسکیو کرکے دو افراد کو باہر نکالا گیا، سخت مشقت کے بعد ملبے سے بچی کو بھی باہر نکالا گیا۔

زخمیوں کو علاج کے لئے ایس آر این اسپتال میں داخل کرایا گیا ہے، جہاں ان کی حالت نازک بتائی جا رہی ہے۔