بجنور: بے قابو گاڑی نہر میں گری، دو ہلاک

اترپردیش کے ضلع بجنور میں ایک تیز رفتار گاڑی نہر میں بے قابو ہوکر گرگئی، جس سے گاڑی میں سوار دو خواتین کی موقع پر ہی موت ہوگئی جبکہ گاڑی چلانے والا ڈرائیور شدید زخمی ہوگیا ہے۔

ریاست اترپردیش کے ضلع بجنور میں ایک سڑک حادثہ پیش آیا ہے۔ یہاں پر ایک تیز رفتار گاڑی نہر میں بے قابو ہوکر گرگئی، جس میں سوار دو خواتین کی موقع پر ہی موت ہو گئی ہے، جبکہ گاڑی چلا رہا ڈرائیور شدید زخمی ہوگیا ہے۔ زخمی ڈرائیور کو سمی پور ہسپتال میں علاج کے لیے داخل کرایا گیا ہے۔

بتا دیں کہ دہرادون کا رہائشی انل کمار اپنی اہلیہ اور کرایے پر رہائش پذیر خاتون کے ساتھ کوٹ دوار میں واقع سدھبلی مندر کی زیارت کرنے کے لیے جا رہا تھے۔ تبھی اچانک سے گاڑی بے قابو ہوکر منڈوالی تھانہ علاقہ کے مشرقی گنگا نہر کے قریب رام پور چٹھہ پل کے پاس نہر میں جا گری۔

پولیس نے مقامی لوگوں کے ساتھ ریسکیو آپریشن کرکے دونوں خواتین کی لاش کو نہر سے نکال لیا ہے۔ جبکہ ڈرائیور کو تشویشناک حالت میں ضلع ہسپتال میں داخل کرایا گیا ہے۔

بجنور میں بے قابو گاڑی نہر میں گری، دو خواتین ہلاک

دوسری طرف، انل کمار اس حادثے میں محفوظ ہیں۔ پولیس کرین کی مدد سے میکس گاڑی کو نہر سے نکال لی ہے۔ دونوں خواتین کی موت کے بعد پولیس نے لاش کو پوسٹ مارٹم کے لیے ضلع ہسپتال بھیج دی ہے۔