تاجروں کے خلاف گرفتاری کا نوٹس

ریاست اترپردیش کے ضلع امروہہ میں سات تاجروں کے خلاف گرفتاری کا نوٹس جاری کیا گیا ہے۔

امروہہ ضلع کے سات کاروباریوں کے خلاف لاک ڈاؤن کی وجہ سے بغیر اجازت میٹنگ کرنے، دیگر تاجروں کو مشتعل کرنے اور امن وامان کو نقصان پہنچانے کے پاداش میں گرفتار کرنے کا حکم جاری کیا گیا ہے۔

اس معاملے میں تاجروں کو آج تین تین لاکھ روپئے کا جرمانہ ادا کرنے کے ساتھ ایس ڈی ایم کورٹ میں پیش ہونے کا حکم دیا ہے۔

اس واقعہ کے بعد تاجروں میں کافی اشتعال ہے۔

اس معاملے میں 16 مئی کو تاجروں نے اپنی دوکانیں بند کر جرمانہ وصولنے کے خلاف بازار بند کرکے اپنی مخالفت درج کرائی تھی۔

اتوار کو تاجروں نے تحصیل انتظامیہ پر ہراسانی کاالزام لگاتے ہوئے اپنی دوکانیں بند رکھی تھیں۔

کرانہ ٹریڈ ایسوسی ایشن کے لیڈر اشوک گھرونٹیا نے کہا کہ لاک ڈاؤن کے دوران تمام عوامی فلاحی کاموں میں پیسہ کاروباری سماج دیتا ہے لیکن اس کے باوجودکاروباریوں کے مسائل کو کوئی بھی سنجیدگی سے نہیں لیتا ہے۔

مصیبت کی اس گھڑی میں تاجر حکومت کے رحم و کرم پر منحصر ہیں۔

اترپردیش حکومت کو اس سمت میں کام کرتے ہوئےکاروباریوں مسائل کا کوئی مستقل حل نکالنا چاہئے۔