اے ایم یو شعبہ اردو کے سابق سربراہ اور آرٹس فیکلٹی کے سابق ڈین پروفیسر محمد زاہد کا گزشتہ شب انتقال ہو گیا۔
پروفیسر زاہد گردے کے مریض تھے اور گزشتہ دو سال سے زیر علاج تھے۔ پروفیسر زاہد یونیورسٹی کیمپس کے ہی قریب کبیر کالونی میں رہائش پذیر تھے۔
یونیورسٹی رابطہ عامہ کے رکن انچارج پروفیسر شافع قدوائی نے ای ٹی وی بھارت سے خصوصی گفتگو میں بتایا اے ایم یو شعبہ اردو کے سابق سربراہ اور آرٹس فیکلٹی کے سابق ڈین پروفیسر محمد زاہد کا گزشتہ شب میں انتقال ہوگیا۔ وہ گردے کے مریض تھے اور وہ ڈائلیسس پر تھے۔ دو تین سال سے ان کی طبیعت خراب تھی۔
پروفیسر زاہد ایک طویل عرصہ سے شعبہ اردو سے وابستہ رہے ۔ان کا پی ایچ ڈی کا جو مقالہ تھا وہ عبدالرحمن بجنوری پر تھا جنہوں نے غالب پر بڑا کام کیا ہے۔ زاہد مختلف یونیورسٹی کی حیثیت سے بھی وابستہ رہے ۔اسٹاف ایسوسیشن تنظیم کے ایگزیکٹیو کونسل کے رکن رہے، ساتھ میں اکیڈمی کونسل کے بھی رکن رہے اور یہاں کے مہمان خانے کے بھی انچارج رہے۔ پروفیسر شافع قدوائی نے مزید بتایا زاہد نے نہ صرف علم و ادب کی خدمت کی بلکہ یونیورسٹی کی اجتماعی زندگی میں بھی حصہ لیا۔ ان کی زندہ دلی بہت مشہور تھی لوگوں سے ان کے بہت اچھے مراسم تھے وہ زندہ دل اور خلیق شخص تھے۔