علی گڑھ میں انقلابی لائبریری کا افتتاح

علی گڑھ مسلم یونیورسٹی میں ایک انقلابی لائبریری کا انعقاد کیا گیا، جہاں پر طلبا قانون کا مطالعہ کررہے ہیں، تاکہ وہ قانوں کو بہتر طور پر سمجھ سکیں

ریاست اترپردیش کے شہر علی گڑھ میں واقع علی گڑھ مسلم یونیورسٹی میں گذشتہ 22 دنوں سے مستقل چل رہے سی اے اے، این آرسی اور این پی آر کے خلاف احتجاج میں آج ایک انوکھا نظارہ اس وقت دیکھنے کو ملا جب باب سید کے قریب یونیورسٹی طلبہ و طالبات کے ذریعے ایک لائبریری کا افتتاح کیا گیا جس کا نام ہی انقلابی لائبریری رکھا گیا۔

انقلابی لائبریری کھولنے کا مقصد احتجاج میں شامل طلبہ و طالبات بات کو وہ ساری کتابیں مہیا کر آنا ہے جس سے احتجاج سے متعلق سبھی ضروری باتیں پڑھ کر سمجھ سکیں اور اس کے مطابق اپنے احتجاج کو جاری رکھ سکیں۔

علی گڑھ مسلم یونیورسٹی میں ایک انقلابی لائبریری کا انعقاد کیا گیا، جہاں پر طلبا قانون کا مطالعہ کررہے ہیں، تاکہ وہ قانوں کو بہتر طور پر سمجھ سکیں، جبکہ طلبا کا کہنا ہے کہ یہ احتجاجی مظاہرہ اس وقت تک جاری رہے گا جب تک حکومت اس کو واپس نہیں لے لیتی۔

انقلابی لائبریری سے متعلق یونیورسٹی کے طالب علم عمران نے بتایا اس انقلاب کا مقصد احتجاج میں شامل تمام طلبہ و طالبات کو احتجاج سے متعلق ضروری باتیں سمجھنا آسان ہو، کیوں کہ یہ جب تک حکومت سی اے اے، این آر سی اور این پی آر کو واپس نہیں لے لیتی، احتجاج جاری رہے گا۔