ریاست بہار کے ضلع ارریہ سے تعلق رکھنے والے اشرف علی گزشتہ 23 فروری سے لاپتہ ہیں۔ اشرف علی بی اے فائنل ایئر (فارن لینگویج) کا طالب ہے۔
اشرف علی کو سی سی ٹی وی فوٹیج کے مطابق 5 روز قبل آخری بار علی گڑھ مسلم یونیورسٹی کیمپس کے قریب موجود شمشاد مارکٹ پر دیکھا گیا جہاں کچھ طلبا سے اس کی بات بھی ہوئی جس کے بعد سے وہ لاپتہ ہے اور اس کا موبائل بند جا رہا ہے۔
اشرف علی اے ایم یو کے سر سید ہال (ساؤتھ) مشتاق منزل میں رہتا تھا۔ گزشتہ پانچ روز سے لاپتہ اشرف علی کا ابھی تک کوئی سراغ نہیں مل پایا جس کی وجہ سے طلبا میں بےچینی ہے، وہی صبر کرتے کرتے لاپتہ اشرف علی کے بھائی اور بہنوئی بہار سے علی گڑھ پہنچ چکے ہیں جس کے بعد یونیورسٹی طلبا نے یونیورسٹی انتظامیہ بلاک پر جا کر انتظامیہ پر اشرف علی کو جلد سے جلد ڈھونڈنے کے لئے دباؤ بنایا اور رجسٹرار سے ملاقات کی۔
اے ایم یو رجسٹرار عبدالحمید (آئی پی ایس) سے ملاقات کے بعد لاپتہ اشرف علی کے بھائی محمد ایاز عالم نے بتایا کہ ہماری رجسٹرار سے ملاقات ہوئی ہے۔
انہوں نے بتایا کہ علیگڑھ ایس ایس پی خود اشرف علی کی تلاش میں لگے ہوئے ہیں اور بہت جلد اشرف علی کو ڈھونڈ لیا جائے گا۔ سی سی ٹی وی فوٹیج بھی دیکھے جا رہے ہیں۔
محمد ایاز عالم نے کہا کہ ہمارا یونیورسٹی انتظامیہ سے یہی مطالبہ ہے کہ جلد سے جلد میرے لاپتہ بھائی کو ڈھونڈا جائے۔
لاپتہ اشرف علی کے بھائی محمد ایاض عالم اے ایم یو طلبا رہنما فرحان زبیری نے بتایا کہ اے ایم یو طالب علم اشرف علی گذشتہ پانچ روز سے لاپتہ ہے جس کے لیے ہم سبھی فکر مند ہیں۔ ہماری رجسٹرار سے ملاقات ہوئی ہے اور انہوں نے یقین دلایا ہے کہ جلد سے جلد علی گڑھ پولیس اور سی سی ٹی وی فوٹیج کی مدد سے اشرف علی کو ڈھونڈ لیا جائے گا۔
مزید پڑھیں:
فرحان زبیری نے مزید بتایا کہ رجسٹرار صاحب نے کہا ہے کہ اشرف علی کا موبائل سرویلنس پر لگایا ہوا ہے، اشرف علی کے موبائل کی کال ڈیٹیل سے کچھ سراغ نہیں مل پا رہا ہے جس کی وجہ سے اس کے موبائل کی وہاٹس ایپ چیٹ کی تفصیلات نکالی جا رہی ہے۔ امید ہے جو شام تک آ جائے گی جس کے بعد معلوم چلے گا اشرف علی نے آخری مرتبہ کس سے اور کیا بات کی۔
