ماحولیات کی نگہبانی کے لیے ڈیوائس ایجاد

سائنسداں کے ایوارڈ سے سرفراز سے نوازے جانے والے ایم یو کے طالب علم ایک ایسی ڈیوائس ایجاد کی ہے، جو ماحولیات کی نگرانی کے لیے کارگر ہے۔

ریاست اترپردیش کے ضلع علی گڑھ میں واقعہ عالمی شہرت یافتہ علی گڑھ مسلم یونیورسٹی (اے ایم یو) کے نوجوان طالب علم عبدالحنان مستجاب (بی ایس سی، ریاضی) نے ماحولیات کی نگرانی کے لیے ایک ڈیوائس تیار کیا ہے۔ اس ڈیوائس کے ذریعے درجہ حرارت، رطوبت اور ماحولیات سے متعلق دیگر امور کا پتہ بزریعہ انٹرنیٹ آسانی سے لگایا جاسکتا ہے۔

عبدالحنان مستجاب نے بتایا یہ ڈیوائس بابا صاحب بھیم راؤ امبیڈکر یونیورسٹی لکھنؤ میں منعقدہ ایک قومی کانفرنس میں پیش کی اور اس کی افادیت کے متعلق تفصیل سے بتایا۔

عبدالحنان مستجاب نے بتایا کہ ماحولیاتی پائیداری ایجادات اور مستقبل کی راہ' موضوع پر منعقدہ اس کانفرنس میں عبدالحنان مستجاب کی مذکورہ ایجاد کو سراہا گیا اور انہیں نوجوان سائزہ کے ایوارڈ سے نوازا گیا۔

علیگڑھ کے ہی رہنے والے عبدالحنان مستجاب کی عمر محض بیس برس ہے اور علی گڑھ مسلم یونیورسٹی میں (بی ایس سی، ریاضی) کے طالب علم ہیں، جبکہ ان کے والد اے ایم یو میں ملازم ہیں۔

عبدالحنان نے بتایا ڈیوائس کی قیمت تقریباً آٹھ سے نو ہزار روپے ہے، لیکن اگر اس ڈیوائس کو مقدار میں کارخانے میں بنایا جائے گا تو اس کی قیمت اس سے کم ہوجائے گی۔

علیگڑھ واپسی پر عبدالحنان مستجاب نے کہا کہ وہ اپنی مذکورہ ڈیوائس کو اے ایم یو میں مختلف مقامات پر نصب کرنے کا منصوبہ رکھتے ہیں، تاکہ آلودگی کی سطح پر ٹریفک کی نگرانی کی جاسکے۔

انہوں نے کہا کہ یونیورسٹی میں اس سے سی او، اوتھری، پی ایم ون، پی ایم ٹو، پی ایم تین اور شور کی نگرانی کی جاسکے گی، اور ان معلومات کو کلاؤڈ پر بھیج کر مختلف پہلوؤں سے تجزیہ کیا جاسکے گا۔

اس سے گاڑیوں کی آمد و رفت ہوا کے معیار اور شور سے متعلق ڈاٹا کی بھی معمولات ہوسکے گی۔

انہوں نے مزید کہا کہ ماحولیات اور آب وہوا کی نگرانی اور ٹریفیک کی نگرانی کے لیے ریموٹ سینسنگ ڈیوائس وقت کی ضرورت ہے، تاکہ ماحولیات دشمن کیمیائی مادوں کے اخراج کو کنٹرول کیاجاسکے۔