AMU Research Scholars Protest: اے ایم یو رسرچ اسکالرز نے انتظامیہ بلاک کا گھیراؤ کیا

علی گڑھ مسلم یونیورسٹی کے رسرچ اسکالرز JRF/SRF نے انتظامیہ بلاک کا گھیراؤ کرتے ہوئے ریسرچ کے دوران فیلو شپ Fellowship During Research کے حوالے سے ایک میمورنڈم پیش کیا۔ AMU Research Scholars Protest

علی گڑھ مسلم یونیورسٹی میں رسرچ اسکالرز AMU Research Scholars نے انتظامیہ بلاک کا محاصرہ کرتے ہوئے پی ایچ ڈی کی توسیع کی مدت PhD Extension Period میں نیشنل فیلوشپ دینے کا مطالبہ کیا۔ اے ایم یو کے رسرچ اسکالرز کا کہنا ہے کہ یونیورسٹی گرانٹس کمیشن UGC کی طرف سے دی جانے والی نیشنل فیلوشپ (JRF/SRF) کو بھی پی ایچ ڈی کی توسیع کی مدت میں دی جائے، جیسا کہ UGC کے رہنما خطوط میں دیا گیا ہے۔ انہوں نے کہا کہ دیگر مرکزی یونیورسٹیز میں فیلوشپ دی جا رہی ہے لیکن علی گڑھ مسلم یونیورسٹی نے رسرچ کے دوران اپنے رسرچ اسکالروں کو پانچ سال بعد سابق طلبہ سمجھ کر توسیع کی مدت میں فیلو شپ روک دی گئی ہے۔

رسرچ اسکالرز کی جانب سے فیلوشپ کے سلسلے میں مطالبہ کیا جا رہا ہے کہ UGC کی طرف سے JRF/SRF والوں کو 5 سال کے لیے دی جاتی ہے اور ایکسٹینشن والوں کو UGC سے اسکالر شپ مل جاتی ہے، لیکن علی گڑھ مسلم یونیورسٹی میں توسیع کو ایک ایکسٹینشن سمجھا جاتا ہے۔ اے ایم یو اس لیے رسرچ اسکالروں کو فیلو شپ کی منظوری نہیں دیتے، جس کی وجہ سے علی گڑھ مسلم یونیورسٹی نے اسکالر کی فیلوشپ روک دی، رسرچ اسکالروں کا کہنا ہے اس تناظر میں یو جی سی کے رہنما اصولوں کی خلاف ورزی کی جا رہی ہے۔ اس حوالے سے طلبہ کا کہنا ہے کہ ہم نے متعدد بار یونیورسٹی انتظامیہ کو درخواست کے ذریعے آگاہ کیا لیکن یونیورسٹی کی جانب سے کوئی کارروائی نہیں کی گئی۔AMU Research Scholars Protest

ریسرچ اسکالرز کا کہنا ہے کہ جب یو جی سی رسرچ کے دوران رسرچ اسکالروں (JRF/SRF)کو پانچ سال کے بعد ایکسٹینشن کے دوران بھی فیلوشپ دینے کی اجازت دیتی ہے تو پھر یونیورسٹی انتظامیہ ہم کو کیوں فیلوشپ نہیں دینے کی اجازت دیتی، پانچ سال بعد ہم کو کیوں سابق طلبہ سمجھا جاتا ہے۔ اس لیے اس سے متعلق اگر اب کوئی مناسب کارروائی نہیں کی گئی تو ہم سب احتجاج پر مجبور ہوں گے۔ وہیں یونیورسٹی پراکٹر پروفیسر محمد وسیم علی کا کہنا ہے کہ آج کچھ رسرچ اسکالرز انتظامیہ بلاک پر آئے ہوئے ہیں۔ رسرچ کے دوران فیلوشپ سے متعلق ان کے مطالبات ہیں، وہ اس سے قبل بھی کنٹرولر سے مل چکے ہیں اور اب ہم بھی کنٹرول اور رجسٹرار سے ملاقات کر اس سے متعلق بات کریں گے۔ AMU Research Scholars Protest