اے ایم یو کے پروفیسر ابو الحسن صدیقی کا انتقال

علی گڑھ مسلم یونیورسٹی (اے ایم یو) کے سابق پرو وائس چانسلر اور نامور ماہر ریاضی پروفیسر ابو الحسن صدیقی کا 77 برس کی عمر میں انتقال ہوگیا۔

ریاست اترپردیش کے ضلع علی گڑھ میں واقع اے ایم یو کے پروفیسر ابو الحسن صدیقی کو خراج عقیدت پیش کرنے کے لیے ایک تعزیتی جلسہ یونیورسٹی کے ایڈمنسٹریٹر بلاک میں ہوا، جس میں وائس چانسلر پروفیسر طارق منصور نے رنج و غم اور افسوس کا اظہار کرتے ہوئے کہا کہ پروفیسر ابو الحسن صدیقی کے انتقال سے جو خلا پیدا ہوا ہے اس کو پر کر پانا بہت مشکل ہے۔ انہیں ہمیشہ یاد کیا جاتا رہے گا۔ انہوں نے غمزدہ کنبے کو دلاسہ دیتے ہوئے اپنی تعزیت پیش کی۔

اس موقع پر پرو وائس چانسلر پروفیسر اختر حسیب، رجسٹر ار عبدالحمید (آئی پی ایس) فنانس افسر پروفیسر ایس ایم جاوید اختر، ڈی ایس ڈبلیو پروفیسر مجاہد بیگ، پراکٹر پروفیسر عفیف اللہ خان، سبھی فیکلٹیوں کے ڈین اور سینئر اساتذہ موجود تھے۔

ایسوسی ایٹ ممبر انچارج ڈاکٹر راحت ابرار نے بتایا کہ یونیورسٹی کے سابق پرو وائس چانسلر پروفیسر ابو الحسن صدیقی ہمارے بیچ نہیں رہے ان کی عمر ستّر برس کی تھی۔

بتا دیں کہ پروفیسر عبد الحسن صدیقی سنہ 1965 سے سنہ 1998 تک اے ایم یو کے مختلف شعبہ سے وابستہ رہے۔ وہ یکم جون سنہ 1992 سے 28 اکتوبر سنہ 1994 تک اے ایم یو کے پروفیسر رہے۔ وہ شعبہ اطلاقی ریاضی کے سربراہ، فیکلٹی آف سائنس کے ڈین، اے ایم یو طلبہ یونین کے انتخاب میں چیف الیکشن افسر، اے ایم یو پریس کے انچارج اور حبیب ہال کے پرووسٹ اور ڈیوٹی سوسائٹی کے کیپر بھی رہے۔