علی گڑھ مسلم یونیورسٹی کا تاریخی رائیڈنگ کلب

عالمی شہرت یافتہ علی گڑھ مسلم یونیورسٹی کا تاریخی مسلم یونیورسٹی رائیڈنگ کلب کی بنیاد نواب محمد اسماعیل خان شیروانی نے 1889 میں رکھی، جب انہوں نے چار گھوڑے پیش کیے۔ ابتدائی دنوں میں تحفے دینے والوں میں چھتاری کے نواب، پہاسو کے نواب فیّاض علی خان، جے ایچ ٹوئے، سر روز مسعود، جناب آغا خان اور نواب مزمل خان بھی شامل رہے اور مالی مدد بھی کی۔

اے ایم یو کا مسلم یونیورسٹی رائیڈنگ کلب یونیورسٹی کے لیے فخر اور شان کی ایک الگ خصوصیات بن گیا ہے۔ یونیورسٹی گیمز کمیٹی میں 15 مختلف کلبوں میں سے رائیڈنگ کلب سب سے پرانا کلب ہے، جس میں 22 گھوڑے ہیں۔

رائیڈنگ کلب میں موجود تاریخی خاص بگھی، جس میں یونیورسٹی کے کانووکیشن اور یوم سر سید کے مہمان خصوصی بیٹھ کر ایتھلیٹک گراؤنڈ پروگرام میں شرکت کرنے جاتے ہیں۔ جو یونیورسٹی کی روایتوں میں سے ایک اہم روایت ہے۔

یونیورسٹی کے طلباء وطالبات ہارس رائیڈنگ سیکھنے اور مقابلوں میں حصہ لینے کے لیے رائیڈنگ کلب کی ممبر شپ لیتے ہیں۔

اے ایم یو کے رائیڈنگ کلب نے ٹینٹ پیکنگ میں کافی نام روشن کیا ہے۔ اطلاعات کے مطابق بھارت کے سابق صدر جمہوریہ پرنب مکھرجی اور صدرجمہوریہ رام ناتھ کووند بھی اس بھگی میں بیٹھے ہیں، جن کو اسی رائیڈنگ کلب کے گھوڑوں نے کھینچا ہے۔ جس سے رائیڈنگ کلب کی اہمیت اور بڑھ جاتی ہے۔

گھوڑوں کی دیکھ بھال کرنے والے رائیڈنگ کلب کے ملازم قاسم بشیر نے خصوصی گفتگو میں بتایا، 'صبح جب ہم آتے ہیں تو ان کی سب سے پہلے صفائی کرتے ہیں، پھر ان کو لینڈنگ دی جاتی ہے۔ چاروں طرف ٹہلانا پھر خوریرا برش استعمال کیا جاتا ہے، ان پر پھر ان کو نہلایا جاتا ہے اور ان کی صاف صفائی کی جاتی ہے۔

دانے میں جاء، چنا، چوکر، گھاس دی جاتی ہے۔ ان کو چھوٹے بچوں کی طرح پالنا ہے، جیسے بچوں کا دھیان رکھتے ہے گھر پر کہیں اس کو چوٹ نہ لگ جائے، بیمار نہ ہو جائے۔'

رائیڈنگ کلب کے رائیڈنگ انسٹرکٹر عمران خان نے بتایا ہمارا کلب 1889 کا ہے۔ فی الحال ہمارے پاس 22 گھوڑے ہیں اور صبح ان کی پریکٹس ہوتی ہے، رولنگ، لنچنگ، خوریرا برش، نلہانا، گھاس۔ ان کی روزانہ پریکٹس بھی ہوتی ہے۔

مسلم یونیورسٹی رائیڈنگ کلب

عمران خان نے مزید بتایا اسپورٹس ہوتے ہیں رائیڈنگ کلب کے اندر جیسے ٹینٹ پیکنگ، شو جمپنگ، ہیگز، ان تمام کی یہاں پر ان گھوڈوں کو ٹریننگ دی جاتی ہے اور یہاں کے لڑکے چیمپئن شپ کے لیے جاتے ہیں، این آئی سی جو آرمی سے مقابلہ ہوتا ہے نیشنل ایکیوسٹک چیمپئن شپ میں۔

اے ایم یو کے اولڈ بوائز کا لندن میگزین تک میں نام آیا ہے، نیشنل میں چیمپئن شپ اٹھائی ہے۔ ٹینٹ پیکنگ میں ہمارے کلب نے کافی نام روشن کیا ہے۔ بگھی صرف کانووکیشن اور یوم سر سید کے دوران یہ دو مواقع میں نکلتی ہے۔