اے ایم یو کوآرڈینیشن کمیٹی کسانوں کیلئے میڈیکل کیمپ لگائے گی

علی گڑھ مسلم یونیورسٹی (اے ایم یو) کی کوآرڈینیشن کمیٹی نے سنگھو باڈر پر زرعی قوانین کے خلاف احتجاج کر رہے کسانوں کے لئے منی لائبریری اور میڈیکل ہیلپ کیمپ لگانے کا اعلان کیا ہے۔

علی گڑھ مسلم یونیورسٹی کوآرڈینیشن کمیٹی کی جنرل باڈی میٹنگ (جی بی ایم) میں طے پایا ہے کہ زرعی قوانین کے خلاف چل رہے کسانوں کے احتجاج میں اے ایم یو کوآرڈینیشن کمیٹی کی جانب سے ایک منی لائبریری اور میڈیکل ہیلپ کیمپ سنگھو باڈر پر جلد لگایا جائے گا۔ اس کا مقصد ٹھنڈ کی وجہ سے بیمار ہو رہے کسانوں کا علاج کرنا اور کسانوں کی حق کی لڑائی میں مدد کرنا ہے۔

اے ایم یو کوآرڈینیشن کمیٹی کے رکن اور ریسرچ اسکالر محمد عمران نے بتایا کہ اے ایم یو کے طلبہ کی ایک جنرل باڈی میٹنگ (جی بی ایم) کی گئی۔ اس میٹنگ میں طے پایا کہ اے ایم یو کوآرڈینیشن کمیٹی کی جانب سے کسانوں کے احتجاج میں ایک منی لائبریری اور میڈیکل ہیلپ کیمپ لگا کر مظاہرین کی مدد کی جائے گی۔

محمد عمران نے مزید بتایا کہ ابھی تک ہمارے ساتھ تقریباً 25 رضاکار آچکے ہیں اور بھی طلبہ اس کام میں آگے آنے کے لیے تیار ہیں۔ جلد ہی تاریخ طے کر کے ہم لوگ یہاں سے روانہ ہوں گے۔

اے ایم یو کوآرڈینیشن کمیٹی کے فاؤنڈر ممبر محمد عامر منٹو نے بتایا کہ اے ایم یو ہمیشہ سے ہی حق کی لڑائی کے ساتھ رہا ہے اور اس بار بھی اے ایم یو کوآرڈینیشن کمیٹی کسانوں کی چل رہی حق کی لڑائی میں حصہ بنیں گے، بہت جلد ہم سنگھو بارڈر پر ایک میڈیکل ہیلپ کیمپ اور منی لائبریری کھولیں گے۔ اب تک تقریبا 25 رضاکار ہمارے ساتھ آ چکے ہیں اور بھی طلبہ رضا کار بننے کے لیے تیار ہیں۔