اے ایم یو: ضرورت مند طالبات کو مفت لیپ ٹاپ/ اسمارٹ فون فراہم کیے گئے

پروفیسر تابش نے اس کے کار خیر کے لیے ایسوسی ایشن کے چیئرمین ڈاکٹر عتیق احمد اور صدر نرگس جہاں کا شکریہ ادا کرتے ہوئے کہا کہ کووڈ وبا کے وقت آن لائن تدریس کا سلسلہ شروع ہوا ہے، ایسے وقت میں بہت سی طالبات ایسی ہیں جو اپنے خرچ سے لیپ ٹاپ یا اسمارٹ فون نہیں خرید سکتی ہیں۔

علی گڑھ مسلم یونیورسٹی (اے ایم یو) کے بایو کیمسٹری شعبہ کی ضرورت مند طالبات کو آن لائن پڑھنے کے لئے مفت لیپ ٹاپ اور اسمارٹ فون فراہم کیے گئے۔

علی گڑھ مسلم یونیورسٹی الیومنائی ایسوسی ایشن گریٹر شکاگو، امریکہ کے عطیہ سے 55 لیپ ٹاپ/ اسمارٹ فون خریدے گئے ہیں تاکہ کووڈ 19 کے بحران کے وقت آن لائن پڑھائی کے لئے ضرورت مند طالبات کی مدد کی جا سکے۔

صدر شعبہ پروفیسر محمد تابش نے بتایا کہ ایسوسی ایشن نے شعبہ کی طالبات کو لیپ ٹاپ/ اسمارٹ فون کی فراہمی کے لیے 19 لاکھ روپے کی خطیر رقم عطیہ کی تھی۔ کچھ طالبات کو بذات خود اور کچھ طالبات کو بذ ریعہ ڈاک لیپ ٹاپ/ اسمارٹ فون تقسیم کئے گئے۔

علی گڑھ مسلم یونیورسٹی

پروفیسر تابش نے اس کے کار خیر کے لیے ایسوسی ایشن کے چیئرمین ڈاکٹر عتیق احمد اور صدر نرگس جہاں کا شکریہ ادا کرتے ہوئے کہا کہ کووڈ وبا کے وقت آن لائن تدریس کا سلسلہ شروع ہوا ہے، ایسے وقت میں بہت سی طالبات ایسی ہیں جو اپنے خرچ سے لیپ ٹاپ یا اسمارٹ فون نہیں خرید سکتی ہیں۔

علی گڑھ مسلم یونیورسٹی الیومنائی ایسوسی ایشن گریٹر شکاگو کے عطیہ سے ان کی مدد کی گئی ہے۔ طالبات کا انتخاب اسکریننگ کے بعد کیا گیا۔