امروہہ کے ڈی ایم اور ایس پی نے سبزی منڈی کا دورہ کیا

ضلع امروہہ کے ڈی ایم اُمیش مشرا اور پولیس سپرنٹنڈنٹ وپن ٹڈا و دیگر افسروں نے امروہہ کی سبزی منڈی کا اچانک دورہ کیا۔

ریاست اتر پردیش کے ضلع امروہہ کے ڈی ایم اُمیش مشرا اور پولیس سپرنٹنڈنٹ وپن ٹڈا کے ساتھ دیگر افسروں نے سبزی منڈی کا اچانک دورہ کیا۔ انہوں نے تاجروں سے سوشل ڈسٹنس پر عمل کرنے کی اپیل کی۔

جب سے امروہہ میں لاک ڈاؤن نافذ کیا گیا ہے ، ضلعی انتظامیہ اور پولیس افسران کی اپیل اور سختی کی وجہ سے مسلسل سوشل ڈسٹنس پر عمل کیا جا رہا ہے۔ باہر سے آنے والے صارفین بھی صرف سماجی فاصلے پر ہی سبزیاں اور پھل خرید رہے ہیں۔ تاجر بھی سوشل ڈسٹنس پر عمل کرنے میں کوئی کسر نہیں چھوڑ رہے ہیں ، انہوں نے اپنی دکانوں کے سامنے دائرہ بنا کر فاصلہ برقرار رکھتے ہوئے انتظامیہ کے احکامات پر عمل کیا ہے۔

ڈسٹرکٹ آفیسر امیش مشرا اور سپریٹنڈنٹ پولیس وپن ٹڈا فورس کے ہمراہ منڈی سمیتی کمپلیکس میں واقع سبزی منڈی پہنچے اور معائنہ کیا۔ اس دوران ڈسٹرکٹ مجسٹریٹ نے تاجروں اور صارفین سے بھی بات کی اور ضلعی مجسٹریٹ اور پولیس سپرنٹنڈنٹ سوشل ڈسٹنس دیکھ کر خوش ہوگئے۔