امروہہ: کورونا وائرس کے خاتمے کے لیے خصوصی دعا

ریاست اترپردیش کے ضلع امروہہ کے صوفی بزرگ حضرت شرف الدین شاہ ولایت عرف بچھو والے بابا درگاہ کی انتظامیہ کمیٹی کی جانب سے کورونا وائرس کے خاتمے کے لیے مزار پر چادر پوشی اور خصوصی دعا کا اہتمام کیا گیا۔

بھارت سمیت پوری دنیا میں پھیلے کورونا وائرس کے خاتمے کے لیے امروہہ میں واقع درگاہ پر چادر پیش کر کے خصوصی دعا کی گئی۔

چادر پوشی صوفی بزرگ حضرت سید شرف الدین شاہ ولایت کی درگاہ انتظامیہ کمیٹی کی جانب سے کی گئی۔

اس موقع پر درگاہ کے خادم منصور صدیقی نے بتایا کہ 'دنیا میں وبائی شکل میں پھیلنے والے کورونا وائرس کے خاتمے کے لیے یہ خصوصی دعا کی گئی ہے اور درگاہ انتظامیہ کمیٹی کی جانب سے چادر پوشی کر کے ملک میں امن و سکون کے ساتھ ساتھ کورونا وائرس سے نجات کی دعا خاص طور پر کی گئی ہے۔'