امروہہ پولیس نے تین اسلحہ سازوں کو گرفتار کیا

امروہہ پولیس سپرنٹنڈنٹ سنیتی نے بتایا کہ رہرہ تھانہ پولیس انسپکٹر ستیندر سنگھ کو اطلاع ملی تھی کہ کچھ لوگ جنگل میں گنے کے کھیت کے اندر غیر قانونی اسلحہ بنانے والی فیکٹری چلا رہے ہیں۔

اترپردیش کے ضلع امروہہ میں پولیس نے کارروائی کرتے ہوئے تین ملزمین کو گرفتار کیا۔

تھانہ رہرہ پولیس نے مخبر سے موصولہ اطلاع کی بنیاد پر 3 شاطر ملزم کو گرفتار کیا اور ان کے پاس سے غیر قانونی ہتھیار برآمد کیے۔

اس ضمن میں امروہہ پولیس سپرنٹنڈنٹ سنیتی نے بتایا کہ رہرہ تھانہ پولیس انسپکٹر ستیندر سنگھ کو اطلاع ملی تھی کہ کچھ لوگ جنگل میں گنے کے کھیت کے اندر غیر قانونی اسلحہ بنانے والی فیکٹری چلا رہے ہیں۔

اس بارے میں اطلاع ملنے کے بعد تھانہ رہرہ انچارج نے اپنی ٹیم کے ساتھ چھاپہ مار کارروائی کی جہاں تین بدمعاش اسلحہ بناتے ہوئے پکڑے گئے۔ ان میں سے دو کا تعلق امروہہ سے ہے جبکہ ان کا رہنما میرٹھ سے ہے۔

ملزمین کے قبضے سے ایک بندوق، دو کارتوس برآمد ہوئے۔ ساتھ ہی اسلحہ فیکٹری میں استعمال ہونے والا سامان بھی ضبط کیا گیا۔