امروہہ: رمضان اور گرمی میں بھی بجلی دستیاب نہیں

اترپردیش کے ضلع امروہہ کے ٹنڈا گاؤں میں گذشتہ ایک ہفتے سے بجلی نہ ملنے سے لوگ پریشان ہیں۔ بجلی نہ ہونے کی وجہ سے پینے کا پانی خریدنا پڑ رہا ہے مگر تاحال محکمہ بجلی کی جانب سے خراب ٹرانسفارمر کو ٹھیک نہیں کیا گیا ہے۔

مقامی باشندہ مختار علی اور کامل نے بتایا کہ ان کے گاؤں کا ٹرانسفارمر گذشتہ 8 دنوں سے خراب ہے، بجلی کا نیا ٹرانسفارمر شروع کرنے کے لئے محکمہ برقی کے عہدیدار رقم کا مطالبہ کر رہے ہیں۔ اس لئے انہیں پانی خریدنا پڑتا ہے اور گھر کا باقی کام گاؤں سے دور کھیتوں میں جا کر کرنا پڑتا ہے۔

اس شدید گرمی اور رمضان کے موقع پر بھی اس گاؤں میں محکمہ برقی کی جانب سےکوئی سہولت نہیں ہے۔

محکمہ بجلی سے پریشان دیہاتیوں نے زور دار نعرے بازی کی اور حتجاج کرتے ہوئے ٹرانسفارمر ٹھیک کرنے کا مطالبہ کیا۔