امبیڈکر نگر: تیز رفتار بے قابو بس نے دو پولیس اہلکاروں کو زخمی کیا

یو پی ایس آر ٹی سی کی تیز رفتار بے قابو بس نے موٹرسائیکل سوار دو پولیس اہلکاروں کو ٹکر مارتے ہوئے نکل گئی، جن میں سے ایک کی حالت تشویشناک ہے، جسے لکھنؤ ریفر کردیا گیا ہے۔ جبکہ دوسرے کا علاج ضلع اسپتال میں جاری ہے۔

معاملے کی اطلاع ملتے ہی زخمیوں سے ملنے ڈی ایم اور ایس پی اسپتال پہنچے۔

بتایا جارہا ہے کہ رات گئے دو کانسٹیبل مقبول اور اونیش موٹرسائیکل کے ذریعہ ایکلبیہ اسٹیڈیم میں ڈیوٹی دینے جارہے تھے کہ اچانک پیچھے سے آ رہی تیز رفتار بس نے دونوں ٹکر مارتے ہوئے نکل گئی۔

زخمیوں کو ڈسٹرکٹ اسپتال لے جایا گیا جہاں مقبول کی حالت تشویشناک دیکھ کر انھیں لکھنؤ ریفر کردیا گیا، جبکہ اونیش کا ڈسٹرکٹ اسپتال میں علاج جاری ہے۔

اس سلسلے میں ایس پی الوک پریدرشی نے بتایا کہ دونوں کانسٹیبل ڈیوٹی پر جارہے تھے کہ تبھی بس نے دونوں کو ٹکر مار دی، ایک کی حالت تشویشناک ہے جسے لکھنؤ ٹراما سینٹر روانہ کیا گیا ہے۔ دوسرے کا علا ضلع ہسپتال میں جاری ہے۔