امر سنگھ کے انتقال پر شفیق الرحمان برق کا اظہار افسوس

سماج وادی پارٹی کے سابق رہنما و راجیہ سبھا رکن امر سنگھ کا آج 64 سال کی عمر میں انتقال ہوگیا جبکہ وہ طویل عرصہ سے بیمار تھے۔

امر سنگھ نے سنگاپور کے ایک ہسپتال میں آخری سانس لی جہاں ان کا علاج چل رہا تھا۔امر سنگھ کے انتقال کے بعد سیاسی حلقوں میں افسوس کا اظہار کیا جارہا ہے۔

ریاست اترپردیش کے ضلع سنبھل سے سماج وادی پارٹی کے رکن پارلیمان ڈاکٹر شفیق الرحمن برق نے ای ٹی وی بھارت سے بات کرتے ہوئے امر سنگھ کے انتقال پر گہرے افسوس کا اظہار کرتے ہوئے کہا ہے کہ امر سنگھ بہترین سیاست داں تھے۔

انہوں نے کہا کہ ‘امر سنگھ سیاسی داؤ پیچ سے اچھی طرح واقف تھے اور ان کے انتقال سے مجھے میں کافی دکھ ہوا ہے‘۔