پروفیسر بیگ احساس کا افسانہ”دخمہ“ ایم اے اردو کے نصاب میں شامل

ڈاکٹر سنجے کمار اسسٹنٹ پروفیسر شعبہ اردویونیورسٹی آف الہ آباد کی اطلاع کے بموجب نامورافسانہ نگار پروفیسر بیگ احساس کا افسانہ”دخمہ“ ایم اے اردو کے چوتھے پیپر”معاصر ادب“ میں شامل کیاگیا ہے۔

یونٹ پانچ میں ”متنی تدریس“ کے تحت جن افسانو ں کا انتخاب کیاگیا ان میں کشتی (انتظارحسین)‘ سنڈریلا (انورسجاد)‘ دوسرے آدمی کا ڈرائنگ روم (سریندر پرکاش) اور دخمہ (بیگ احساس) شامل ہیں۔

افسانہ ”دخمہ“ مولانا آزاد نیشنل اردویونیورسٹی (حیدرآباد) کے نصاب میں بھی شامل ہے۔ پروفیسر بیگ احساس سابق صدر شعبہ اردو یونیورسٹی آف حیدرآباد وعثمانیہ یونیورسٹی کے افسانوی مجموعے”دخمہ“ کوساہتیہ اکادمی ایوارڈ 2017مل چکا ہے۔

اس کے علاوہ انہیں مخدوم ایوارڈ(2016)اور جشن ادب ایوارڈدہلی (2019)سے نوازاجاچکا ہے۔ اس کے علاوہ بھی وہ کئی اعزازات حاصل کرچکے ہیں۔