مئو میں دو روزہ آل انڈیا سیمینار

ریاست اترپردیش کے ضلع مئو میں 'ہندوستان میں علم حدیث و ممتاز ہندوستانی محدثین' کے عنوان پر دو روزہ آل انڈیا سیمینار کا اہتمام کیا جا رہا ہے۔

اسلامک فقہ اکیڈمی انڈیا اور مدرسہ دارالعوام مئو کے زیر اہتمام منعقد سیمینار میں ملک کے معروف علماء و محدثین شرکت کر رہے ہیں۔

پروگرام کا مقصد ہندوستان میں احادیث کی اشاعت اور درس و تدریس کے فرائض انجام دینے والے علماء کرام سے حاضرین کو روشناس کرانا ہے۔
اس موقع پر عنوان سے متعلق مقالات بھی پیش کئے جائیں گے۔ مقررین نے ہندوستان میں انگریزی حکومت کے دوران علماء کی قربانیوں اور دینی تعلیم کے نظام کے تحفظ پر بھی جامع مواد پیش کیا۔

سمینار کو خطاب کرتے ہوئے اسلامک فقہ اکیڈمی انڈیا کے سکریٹری مولانا عتیق احمد بستوی نے کہا کہ احادیث دین اسلام کو سمجھنے اور اس سے مستفید ہونے کا اہم ذریعہ ہیں۔ اس مقصد کو پورا کرنے کے لئے اسلامی فقہ اکیڈمی ہر سطح پر کام کر رہی ہے۔