Protest In Meerut: آل انڈیا لاؤیرز یونین کا حکومت کی پالیسیوں کے خلاف احتجاج

یوگی آدتیہ ناتھ حکومت کی بلڈوزر پالیسی کے خلاف مسلم سماجی اور ملّی تنظیموں کے علاوہ اب دِیگر تنظیمیں بھی سڑکوں پر اُتر کر احتجاج کر رہی ہے، گزشتہ دو ہفتوں میں جمعہ کے روز کانپور، الہ آباد اور سہارنپور میں پیش آئے تشدد کے واقعات کے بعد حکومت اور پولیس کی یکطرفہ گرفتاریوں اور بلڈوزر کارروائیوں کے خلاف میرٹھ میں آل انڈیا لاؤیرز یونین نے زبردست احتجاج کیا۔Protest In Meerut

یوگی حکومت کی پالیسی کے خلاف آل انڈیا لاؤیرز یونین نے میرٹھ میں کچہری سے ڈی ایم آفس تک پیدل مارچ نکالا۔ اس دوران اتر پردیش کی یوگی آدتیہ ناتھ حکومت کے ساتھ مرکزی حکومت کی 'اگنی پتھ اسکیم' کے خلاف احتجاجی مظاہرہ کیا گیا۔ وہیں مظاہرین نے ڈی ایم کے ذریعے صدر جمہوریہ کے نام میمورنڈم پیش کیا۔Protest In Meerut

اس دوران یوگی حکومت اور مرکزی حکومت کی پالیسیوں کے خلاف عوام سڑکوں پر اتر آئے اور احتجاجی مظاہرہ کیا۔ اسی ضمن میں میرٹھ میں بھی
آل انڈیا لاؤیرز یونین کی جانب سے یوپی اور مرکزی حکومت کے خلاف زبردست احتجاجی مظاہرہ کیا گیا۔ مظاہرین کا کہنا ہے کہ یوگی حکومت کی بلڈوزر پالیسی اور مرکزی حکومت کی اگنی پتھ اسکیم کہیں نہ کہیں عوام کی ناراضگی کا سبب بنتا جا رہا ہے۔ ایسے میں اب حکومت کو عوام کی ناراضگی کو ختم کرنے کے لیے مثبت قدم اٹھانے کی ضرورت ہے تبھی عوام کے غصے کو کم کیا جا سکتا ہے۔

دوسری جانب یوگی حکومت کی بلڈوزر پالیسی کے خلاف مسلم سماجی اور ملّی تنظیموں کے علاوہ اب دِیگر تنظیمیں بھی سڑکوں پر اُتر کر احتجاج کر رہی ہے، گزشتہ دو ہفتوں میں جمعے کے روز کانپور الہ آباد اور سہارنپور میں پیش آئے تشدد کے واقعات کے بعد حکومت اور پولیس کی ایک طرفہ گرفتاریوں اور بلڈوزر کاروائیوں کے خلاف میرٹھ میں آل انڈیا لائرز یونین نے آج زبردست احتجاج کیا۔