آل انڈیا پسماندہ مسلم محاذ کا پولیس اہلکاروں پر سنگین الزام

آل انڈیا پسماندہ مسلم محاذ کے ریاستی صدر وسیم راعین نے بارہ بنکی کے مسولی اور زید پور تھانے میں مامور پولیس اہلکاروں پر سنگین الزامات عائد کئے ہیں۔

وسیم راعین نے دونوں تھانوں پر الزام عائد کرتے ہوئے کہا کہ ان تھانوں کے پولیس اہلکار اسمگلرز کو پناہ دیتے ہیں اور بےقصور افراد کو این ڈی پی ایس ایکٹ کے تحت الزام لگا کر کر رشوت وصول کرتے ہیں. رشوت نہ ملنے پر انہیں جیل بھیج دیتے ہیں۔

انہوں نے ان دونوں تھانوں کے پولیس اہلکاروں کو انتباہ کیا ہے کہ 'اگر یہ صورت حال درست نہ کی گئی تو ان کی تنظیم احتجاج کرنے پر مجبور ہوگی'۔