واضح رہے کہ 10 اگست 1950 کو اس وقت کی حکومت نے دستور کی دفعہ 341 کے تحت اقلیتی طبقوں کو ریزرویشن کے حق سے محروم کر دیا تھا، بعد ازاں اس میں بودھ اور سکھ مذہب کو شامل کر لیا گیا تھا لیکن مسلمان اور عیسائی کو آج بھی مزکورہ دفعہ کی وجہ سے ریزرویشن سے محروم رکھا گیا ہے۔
دفعہ 341 کے تحت عائد پابندی کو ختم کرنے کے لئے مختلف تنظیمیں برسوں سے متحرک ہیں، آل انڈیا پسماندہ مسلم محاذ بھی اس کی لڑائی برسوں سے لڑتا آ رہا ہے۔ اسی کے پیش نظر منگل کو ایک دفعہ پھر ریاستی صدر وسیم رائی کی قیادت میں ضلع مجسٹریٹ کے ذریعہ صدر جمہوریہ کو ایک میمورنڈم پیش کیا اور دفعہ 341 کے تحت عائد پابندی کو ختم کرنے کا مطالبہ کیا ہے۔
محاذ نے امید ظاہر کی ہے کہ مودی حکومت اس پابندی کو ختم کرنے پر ضرور غور کرے گی۔