علی گڑھ: کورونا کے 20 نئے کیسز کے ساتھ تعداد 609 ہوئی

علی گڑھ میں کورونا وائرس کے 20 نئے معاملے درج ہوئے ہیں۔ جس میں 16 مرد اور 4 خواتین شامل ہیں۔ جو علی گڑھ کے مختلف رہائشی علاقوں سے ہیں۔

ریاست اترپردیش کے ضلع علی گڑھ میں کورونا وائرس کی مزید 20 رپورٹ مثبت آنے سے متاثرین کی تعداد 609 ہو گئی ہے۔ جس میں 24 اموات، 359 صحتیاب، 226 فعال کیسز شامل ہیں۔

علی گڑھ میں بھی دن بدن کورونا وائرس کا قہر بڑھتا جا رہا ہے اور متاثرین کی تعداد میں مسلسل اضافہ ہو رہا ہے۔ جولائی کے پہلے ہی ہفتے میں 117 نئے معاملے سامنے آئے۔

علی گڑھ کے ضلع مجسٹریٹ چندر بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں محفوظ رہیں ضرورت پر ہی گھر سے باہر نکلیں۔